Sapa úshin adal tólem qajet: “Jańa adamdar” jolaqyǵa qatysty bastama kóterdi

foto: rweek.ru

Almatylyqtardyń jol azabymen betpe-bet tap keletin kezi kóp. Munyń basty sebebi — bıletsiz júretin jolaýshylar. Mysaly, ótken jyldyń tek bir aıynyń ózinde bıletsiz jolǵa shyqqandardyń sany 60%-ǵa artqan. Bul másele qoǵamdyq kólikterdiń sapasyna keri áserin tıgizýde, dep jazady qandastar.kz.

“Jańa adamdar” qozǵalysy muny nazarǵa aldy. Qordyń «Zaıam – NET!» azamattyq naýqany árbir jolaýshynyń qoǵamdyq kólikte jolaqy tóleýin baqylaıdy. О́ıtkeni bul qaladaǵy kólik júıesiniń damýy men jaılylyǵyna úles qosyp otyr.

Jolaqydan túsken qarajat qoǵamdyq kólikterdi jóndeýge, avtobýstaǵy tazalyqty qamtamasyz etýge, sondaı-aq jolaýshylarǵa qyzmet kórsetý sapasyn arttyrýǵa jumsalady.

Kópshiligimizge dúkende taýar úshin tólemeı, ony alý týraly oı kirip te shyqpaıdy. Biraq nege ekeni belgisiz, bul ereje qoǵamdyq kólikte jıi umytylady. Júıeli reıdter kezinde bıletsiz júrgen jolaýshylardan san túrli syltaýlardy estidik: «Men endi ǵana otyrdym», «Tólem jasaýdy umytyp kettim», «Telefonnyń qýaty joq». Keıbir «qoıandar» kóliktiń tómen jaǵdaıyna siltep, ádeıi tóleýden bas tartady.

“Biz «Qoıandarǵa – JOQ!» dep Almaty turǵyndaryn jaýapkershilik tanytyp, jolaqyny adal tóleýge shaqyramyz. Qalanyń kólik júıesiniń jaǵdaıy — turǵyndar onyń damýyna qalaı qarjy quısa, dál solaı qalyptasady. Tólegen adam ǵana sapany talap etýge quqyly!“, – dedi qor belsendileri.