Sapar Ysqaqov: Qypshaqtar men olardyń babalary tarıhta eleýsiz qalǵan

Foto: skrın

Sapar Ysqaqov, belgili jıhanger, qurylysshy jáne meenat, «Qasqa jol» podkastynda qazaq tarıhy men týrızmin talqylaı otyryp, birqatar mańyzdy máselelerge toqtaldy. Ol qazaq halqynyń tarıhı tulǵalary men handary týraly óz pikirin bildirdi, dep jazady qandastar.kz

“Nege biz ózimizdiń myqty handarymyzdy, babalarymyzdy bile bermeımiz? Shyńǵyshannyń maqsaty basqa elderdi jaýlap alý boldy, ol óz jolynda qanshama halyqtardy órteý, joıý, quldyqqa alý sııaqty áreketter jasady. Sol quldyqqa alynǵandardyń biri Sultan Beıbarys pen Qalaýyn edi. Olar keıin bılikke kelgen jáne tarıhta ózindik iz qaldyrǵan tulǵalar. Al biz Shyńǵyshandy babamyz dep sanaımyz. Biraq ol óz zamanynda qazaqtardy qara súıek dep eseptegen. Han bolý úshin Shyńǵyshannyń tuqymynan bolý kerek, al Tóreler —  qazaqtyń shejiresine kirmeıtin top. Sonda qalaı Shyńǵyshan bizge baba bola alady?», — dedi Sapar Ysqaqov.

Ol sonymen qatar qazaqtyń tarıhı handarymen maqtanýymyz kerektigin de aıtty. Mysaly, Tuǵyryl han týraly sóz qozǵap, onyń súıeginiń Kıevtegi mýzeıde saqtaýly turǵanyn aıtyp, bul tarıhı murany elge qaıtarý úshin birneshe ret úkimetke ótinish jasaǵanyn jetkizdi. Biraq, ol bul bastamanyń iske aspaıtynyn tilge tıek etti.

“Sultan Beıbarys jáne Qalaýyn sııaqty tulǵalarmen maqtanýǵa bolady. Sultan Beıbarys arab elderin mońǵol shapqynshylyǵynan qutqarǵan. Al Qalaýyn jaıly kóp adam bilmeıdi, biraq ol da óte myqty tulǵa boldy”, — dep atap ótti Sapar Ysqaqov.

Sapar Ysqaqov Qabdesh Jumadilovtiń Shyńǵyshandy qazaqtyń babasy dep sanaýyna qarsy pikir bildirdi. Onyń aıtýynsha, qazaq halqynyń qalyptasýy men rýlardyń birikken kezde tórelerdiń róli bolmaıdy, sol sebepti bul tujyrym dáleldenbegen.

Qorytyndysynda, ol qazaq halqynyń óz tarıhyn tereńirek zerttep, ony álemge tanytý qajettigin atap ótti.