«Saparov qyzmetten ketsin!»: Almasbek Sadyrbaı petıııa jarııalaıtynyn málimdedi

Foto: ashyq derekkóz

«Shańyraq» ulttyq agro-qozǵalysy» RQB tóraǵasy Almasbek Sadyrbaı  Adal ADAM-ǵa bergen suhbatynda Aýyl sharýashylyǵy mınıstri Aıdarbek Saparovtyń bir jyldyq qyzmetine  baǵa berdi jáne onyń otstavkasyn talap etetin petıııa jarııalaıtynyn málimdedi, – dep jazady qandastar.kz

«Aıdarbek Saparovqa taǵaıyndalǵan sátten bastap birneshe aı eshteńe aıtpadym, synamadym. Mınıstr bolam degen armanyna jetti ǵoı, halyqty oılar dedim. Nátıjesinde ne boldy? Eki de bir boldy. Aýyl sharýashylyǵy salasyndaǵy saıasatyn óziniń «lıýbımyı temasy» shoshqadan bastady. Oǵan kópshilik «Aıdarbek balam, shoshqadan basqa tórt túligimiz bar emes pe, sol jaqqa betińdi bur» dedi. Ol bylq etpedi. Árbir shoshqanyń jatyp-turatyn ornyna 2,5 mln teńgeden sýbsıdııa beredi. Oǵan da kóndik. Odan keıin 1000 bas qoıǵa arnalǵan bordaqy alańdaryna sýbsıdııa bermeımiz, 5000 basqa arnalǵan alańdarǵa sýbsıdııa beremiz dedi. Júregimiz zyrq ete qaldy. Demek Saparovqa orta sharýalar kerek emes, maly 5000-nan asatyn baılarmen jumys istegisi keledi. Bul qalaı bolǵany dedik. Qysta kún jylyp jaýyn jaýǵanda Aqmola, Ulytaý, Qaraǵandy oblystarynda jut bastalaıyn dep tur degenimizde máseleni sheshpedi. Mal qyryldy. Aıdarbek Saparov Parlament qabyrǵasynda 67 ǵana mal óldi dedi. Depýtat Amanjol Áltaı ne aıtyp otyrsyń, myńdaǵan mal qyryldy dedi. Mine, Ulytaý oblysynda mal qyrylǵany janyma batqan soń odan keıingi isim Saparovpen boldy», – dedi Almasbek Sadyrbaı.

Onyń aıtýynsha, sharýalar Aýyl sharýashyǵy mınıstri Aıdarbek Saparovtyń jumysyna rıza emes jáne onyń otstavkasyn talap etkisi keledi.

«Maǵan Saparov mınıstr bolýǵa laıyq emes, ony otstavkaǵa ketirý jóninde beıbit sherý uıymdastyraıyq deıtin sharýalar bar. Al men dúrbeleńge salǵym kelmeıdi. Biraq elden de kóp qasha almaımyn. Bir sheshimge kelý kerek bolady. Sondyqtan Adal ADAM youtube arnasynda birinshi ret málimdeıin dep turmyn. Aýyl sharýashylyǵy mınıstri Aıdarbek Saparovtyń otstavkasyn talap etetin petıııa jınaımyz. Kerek bolsa, 10 myń qol, tipti 100 myń qol jınaımyz. Prezıdent ózi sheshim qabyldasyn. Petıııany jaqyn kúnderi daıyndap, jarııalaımyz. Eger Aıdarbek Saparovty laıyq dep tapsańyzdar, qalsyn, laıyq emes deseńizder qarsy daýys berińizder. Aıdarbek Saparov qyzmetten ketý kerek dep sheshim óz basym», – dedi Almasbek Sadyrbaı