ساپاسىنا قاتىستى شاعىم از تۇسكەن قىتايلىق كولىكتەردىڭ رەيتينگى جاريالاندى

فوتو: Voyah

اۆتوكولىكتەردىڭ ساپاسى بويىنشا قىتايلىق جەلى يەلەرىنىڭ «باس اۋرۋىنا اينالمايتىن» كولىكتەردىڭ رەيتينگىن جاريالادى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

تىزىمگە قىتاي حالىق رەسپۋبليكاسى نارىعىنداعى كولىكتەر ەنگەن. دەگەنمەن ولاردىڭ قاتارىندا قازاقستان اۋماعىندا دا رەسمي ساتىلىمعا شىققان اۆتولار بار. العاشقى ورىندا بۇزىلۋىنا قاتىستى شاعىم از تۇسكەن كولىكتەر تۇر. قىتايلىق جەلى ءار شاعىمعا قاتىستى برەندتەرگە ايىپ ۇپايىن ەسەپتەپ وتىرادى. سايكەسىنشە ۇپاي نەعۇرلىم از بولسا, كولىكتىڭ ساپاسى دا جاقسى ەكەنىن كورسەتەدى.

ەڭ ۇزدىك ناتيجەسى Voyah برەندىندە, بارلىعى 153 ۇپاي بار. ەكىنشى ورىندا 156 ۇپايمەن Dongfeng-Honda كولىگى تۇر. ال شۆەدتىك Volvo ماركاسى 157 ۇپايمەن العاشقى ۇشتىكتى تۇيىندەدى.
العاشقى بەستىكتە GAC Hyptec (158 ۇپاي) پەن Great Wall كورنتسەرنىنە تيەسىلى Wey برەندى (160 ۇپاي) بار.

سونىمەن قاتار رەيتينگتىڭ العاشقى وندىعىنا كەلەسى ماركالار ەندى:

– GAC Trumpchi (161 ۇپاي);

– GAC Aion (162 ۇپاي);

– Jetta (163 ۇپاي);

– Changan Nevo (167 ۇپاي);

– YangWang (170 ۇپاي).

ال قازاقستاندا رەسمي ساتىلىمعا شىققان Haval برەندى 210 ۇپايمەن 42-ورىندا, Chery 224 ۇپايمەن 51-ورىندا, Geely 192 ۇپايمەن 27-ورىندا, Changan 194 ۇپايمەن 30-ورىندا تۇر.

كولىك ساپاسىنىڭ جەلىسى قىتايدا قحر اكىمشىلىگىنىڭ باستاماسىمەن قۇرىلعان. ۇيىم كولىك يەلەرىنىڭ شاعىمى, ءجيى بۇزىلۋى مەن كولىكتەگى اقاۋلار نەگىزىندە رەيتينگ قۇرادى.