Sapasyna qatysty shaǵym az túsken qytaılyq kólikterdiń reıtıngi jarııalandy

Foto: Voyah

Avtokólikterdiń sapasy boıynsha qytaılyq jeli ıeleriniń «bas aýrýyna aınalmaıtyn» kólikterdiń reıtıngin jarııalady, dep jazdy qandastar.kz

Bul týraly Stan.kz aqparat agenttigi habarlaıdy.

Tizimge Qytaı Halyq Respýblıkasy naryǵyndaǵy kólikter engen. Degenmen olardyń qatarynda Qazaqstan aýmaǵynda da resmı satylymǵa shyqqan avtolar bar. Alǵashqy orynda buzylýyna qatysty shaǵym az túsken kólikter tur. Qytaılyq jeli ár shaǵymǵa qatysty brendterge aıyp upaıyn eseptep otyrady. Sáıkesinshe upaı neǵurlym az bolsa, kóliktiń sapasy da jaqsy ekenin kórsetedi.

Eń úzdik nátıjesi Voyah brendinde, barlyǵy 153 upaı bar. Ekinshi orynda 156 upaımen Dongfeng-Honda kóligi tur. Al shvedtik Volvo markasy 157 upaımen alǵashqy úshtikti túıindedi.
Alǵashqy bestikte GAC Hyptec (158 upaı) pen Great Wall kornernine tıesili Wey brendi (160 upaı) bar.

Sonymen qatar reıtıngtiń alǵashqy ondyǵyna kelesi markalar endi:

– GAC Trumpchi (161 upaı);

– GAC Aion (162 upaı);

– Jetta (163 upaı);

– Changan Nevo (167 upaı);

– YangWang (170 upaı).

Al Qazaqstanda resmı satylymǵa shyqqan Haval brendi 210 upaımen 42-orynda, Chery 224 upaımen 51-orynda, Geely 192 upaımen 27-orynda, Changan 194 upaımen 30-orynda tur.

Kólik sapasynyń jelisi Qytaıda QHR ákimshiliginiń bastamasymen qurylǵan. Uıym kólik ıeleriniń shaǵymy, jıi buzylýy men kóliktegi aqaýlar negizinde reıtıng qurady.