جاڭالىقتار
ساپيەۆ جاڭا قىزمەتكە سايلاندى
فوتو: اشىق دەرەككوز
سەرىك ساپيەۆ قازاقستاننىڭ ۇلتتىق سۋردليمپيادالىق كوميتەتىنىڭ پرەزيدەنتى بولىپ سايلاندى, دەپ حابارلايدى qandastar.kz.
2025 جىلعى 26 ساۋىردە استانا قالاسىندا قازاقستان رەسپۋبليكاسىنىڭ ۇلتتىق سۋردليمپيادالىق كوميتەتىنىڭ(ۇسق) كەزەكتەن تىس كونفەرەنتسياسى ءوتتى. ءىس-شاراعا كوميتەتتىڭ دەلەگاتتارى مەن قۇرىلتايشىلارى, سونداي-اقمەملەكەتتىك ورگاندار مەن سپورت قوعامداستىعىنىڭ وكىلدەرىقاتىستى. كونفەرەنتسيانىڭ نەگىزگى ماقساتى — باسشىلىققۇرامدى جاڭارتۋ جانە ۇسق قىزمەتىنىڭ الداعى باسىمباعىتتارىن ايقىنداۋ بولدى.
داۋىس بەرۋ قورىتىندىسى بويىنشا ۇسق پرەزيدەنتى بولىپ سەرىك جۇمانعالي ۇلى ساپيەۆ سايلاندى. ول 2012 جىلعى وليمپيادا چەمپيونى, بوكستان بىرنەشە دۇركىن الەمچەمپيونى, قازىرگى ۋاقىتتا قاراعاندى وبلىسى دەنەشىنىقتىرۋ جانە سپورت باسقارماسىنىڭ باسشىسى قىزمەتىن اتقارادى.
ونىڭ كانديداتۋراسىن قۇرىلتايشىلار ءبىراۋىزدان قولدادى.
كونفەرەنتسيا بارىسىندا كوميتەتتىڭ ۆيتسە-پرەزيدەنتتەرى دە بەكىتىلدى: دوستان يبراگيموۆ, رۋسلان يششانوۆ, پاۆەل كازانتسەۆ, ازامات قارلىعاشەۆ, قۋانىشبەك مۇقاش, مەيرامبەك ماحامبەتوۆ, عابيت ساتماعانبەتوۆ, ارسەن شاكۋوۆ جانە بەكزات قاليەۆ. باس حاتشى قىزمەتىنە ايجانچوكينا تاعايىندالدى.
ارنايى شەشىممەن ساۋلە سادىققىزى شاكۋوۆاعا — ۇسق-نىڭ كوپجىلدىق باسشىسى جانە نەگىزىن قالاۋشىلاردىڭ بىرىنە — كوميتەتتىڭ قۇرمەتتى پرەزيدەنتى مارتەبەسى بەرىلدى. ول 1993 جىلدان باستاپ ەستۋ قابىلەتى بۇزىلعان سپورتشىلاردى دايارلاۋعا, جارىستار ۇيىمداستىرۋعا جانە حالىقارالىق ىنتىماقتاستىقتى دامىتۋعا زور ۇلەس قوستى.
شارا اياسىندا ساۋلە شاكۋوۆا قازاقستان رەسپۋبليكاسى تۋريزم جانە سپورت مينيسترلىگىنىڭ «دەنە شىنىقتىرۋ مەن سپورتتى دامىتۋعا سىڭىرگەن ەڭبەگى ءۇشىن» ۆەدومستۆولىق مەدالىمەن ماراپاتتالدى.
كونفەرەنتسيا شەشىمدەرىنىڭ قاتارىندا — ۇسق-نىڭ قىزمەتىنىڭ باسىم باعىتتارىن بەكىتۋ, ونىڭ ىشىندە قازاقستان قۇراماسىنىڭ 2025 جىلى توكيو قالاسىندا وتەتىن جازعى سۋردليمپيادالىق ويىندارعا دايىندىق ماسەلەسى بار. سپورت ۇيىمدارى مەن جاتتىقتىرۋشىلاردان دايىندىققا قاجەتتى ۇسىنىستار مەن قاجەتتىلىكتەردى 2025 جىلعى 10 مامىرعا دەيىن جولداۋ سۇرالدى.
سونىمەن قاتار, كوميتەتتىڭ ورتالىق كەڭسەسىن الماتى قالاسىنان استانا قالاسىنا كوشىرۋ تۋرالى شەشىم قابىلداندى. بۇل شەشىم تۋريزم جانە سپورت مينيسترلىگىمەن جانە استانادا ورنالاسقان ۇلتتىق سپورت قۇرىلىمدارىمەن تىعىز ىنتىماقتاستىق قاجەتتىلىگىمەن بايلانىستى.
كونفەرەنتسيا ۇسق-نىڭ جاڭا پرەزيدەنتى سەرىك ساپيەۆتىڭ قورىتىندى سوزىمەن اياقتالدى. ول سەنىم بىلدىرگەنى ءۇشىن قاتىسۋشىلارعا العىس ايتىپ, ەستۋ قابىلەتى شەكتەۋلى سپورتتۇرلەرىن دامىتۋ ءۇشىن كۇش بىرىكتىرۋدىڭ ماڭىزدىلىعىن اتاپ ءوتتى.
انىقتاما ءۇشىن: قازاقستان رەسپۋبليكاسىنىڭ ۇلتتىق سۋردليمپيادالىق كوميتەتى (ۇسق) — قازاقستان رەسپۋبليكاسىنىڭ «دەنە شىنىقتىرۋ جانە سپورت تۋرالى» زاڭى نەگىزىندە قىزمەت اتقاراتىن ۇيىم. كوميتەت قازاقستاندى حالىقارالىق ساڭىراۋلار سپورت كوميتەتىندە (ICSD) تانىستىرادى جانە ەستۋ قابىلەتى بۇزىلعان سپورتشىلاردى سۋردليمپيادالىق ويىندارعا جانە باسقا دا حالىقارالىق جارىستارعا دايىنداۋدى جۇزەگە اسىرادى.
