جاڭالىقتار
سارا الپىسقىزى دۇنيەدەن وزدى دەگەن جالعان اقپارات تارادى
فوتو: اشىق دەرەككوز
ەكس-پرەزيدەنتتىڭ جۇبايى سارا الپىسقىزى دۇنيەدەن وزدى دەگەن اقپارات جالعان بولىپ شىقتى, دەپ حابارلايدى qandastar.kz
نۇرسۇلتان نازارباەۆتىڭ ءباسپاسوز حاتشىسى ايدوس ۇكىباي سارا نازارباەۆانىڭ قازا تاپقانىن جوققا شىعاردى.
«وتاندىق باق جۋرناليستەرىنىڭ سارا الپىسقىزىنا قاتىستى ساۋالىنا جاۋاپ بەرە وتىرىپ, جەلىدە تاراعان ونىڭ قايتىس بولعانى تۋرالى اقپاراتتىڭ شىندىققا جاناسپايتىنىن مالىمدەگىم كەلەدى» دەپ جازدى ول ءوزىنىڭ X پاراقشاسىندا.
ەسكە سالساق, الەۋمەتتىك جەلىدە سارا نازارباەۆانىڭ قايتىس بولعانى تۋرالى اقپارات تارادى. سارا نازارباەۆا جەكە ءومىر سۇرەدى جانە كوپشىلىك الدىنا سيرەك شىعادى. ول بىرنەشە رەت ادامگەرشىلىك, قوعامدىق قۇندىلىقتار جانە الەۋمەتتىك جاۋاپكەرشىلىك تۋرالى پىكىر بىلدىرگەن.
