Sara Alpysqyzy dúnıeden ozdy degen jalǵan aqparat tarady

Foto: ashyq derekkóz

Eks-prezıdenttiń jubaıy Sara Alpysqyzy dúnıeden ozdy degen aqparat jalǵan bolyp shyqty, dep habarlaıdy qandastar.kz

Nursultan Nazarbaevtyń baspasóz hatshysy Aıdos Úkibaı Sara Nazarbaevanyń qaza tapqanyn joqqa shyǵardy.

«Otandyq BAQ jýrnalısteriniń Sara Alpysqyzyna qatysty saýalyna jaýap bere otyryp, jelide taraǵan onyń qaıtys bolǵany týraly aqparattyń shyndyqqa janaspaıtynyn málimdegim keledi» dep jazdy ol óziniń X paraqshasynda.

Eske salsaq, áleýmettik jelide Sara Nazarbaevanyń qaıtys bolǵany týraly aqparat tarady. Sara Nazarbaeva jeke ómir súredi jáne kópshilik aldyna sırek shyǵady. Ol birneshe ret adamgershilik, qoǵamdyq qundylyqtar jáne áleýmettik jaýapkershilik týraly pikir bildirgen.