سارا نازارباەۆاعا قاتىستى تىڭ دەرەك شىقتى

سارا نازارباەۆانىڭ «بوبەك» ۇلتتىق ورتالىعىندا وزگەرىستەر بولماق, – دەپ حابارلايدى Skifnews.kz اقپارات پورتالى.

بۇل تۋرالى اشىق نقا پورتالىندا جازىلعان.

وقۋ-اعارتۋ مينيسترلىگى «بوبەك» ۇلتتىق عىلىمي-پراكتيكالىق, ءبىلىم بەرۋ جانە ساۋىقتىرۋ ورتالىعى» رەسپۋبليكالىق مەملەكەتتىك قازىنالىق كاسىپورنىن قايتا ۇيىمداستىرماق.

ۆەدومستۆودا «بوبەكتىڭ» ورنىنا بالالارعا ينكليۋزيۆتى بىلىم بەرۋ مەكەمەسىن قۇرماق.

«قازاقستان رەسپۋبليكاسى بالا قۇقىقتارى تۋرالى جانە مۇگەدەكتەردىڭ قۇقىقتارى تۋرالى كونۆەنتسيالاردى راتيفيكاتسيالاپ, ينكليۋزيۆتى ءبىلىم بەرۋ قاعيداتتارىن ىسكە اسىرۋ ءۇشىن جاعدايلار جاساۋ جونىندەگى مىندەتتەمەلەردى قابىلدادى. ء«بىلىم تۋرالى» قازاقستان رەسپۋبليكاسى زاڭىنىڭ 8 بابىنىڭ 6 تارماعىنا سايكەس مەملەكەت ينكليۋزيۆتى ءبىلىم بەرۋدىڭ ماقساتىن ىسكە اسىرا وتىرىپ, ءبىلىم بەرۋدىڭ بارلىق دەڭگەيىندە دامۋ مۇمكىندىكتەرى شەكتەۋلى ازاماتتارعا ولاردىڭ ءبىلىم الۋىنا, دامۋىنداعى اۋىتقۋدى تۇزەتۋىنە جانە الەۋمەتتىك بەيىمدەلۋىنە ارنايى جاعدايلار جاساۋدى قامتاماسىز ەتەدى.

وسىعان بايلانىستى, 2029 جىلعا قاراي ءبىلىم بەرۋدى دامىتۋ تۇجىرىمداماسىنا سايكەس 100% ءبىلىم بەرۋ ۇيىمدارىندا  (مەكتەپكە دەيىنگى, ورتا, تەحنيكالىق جانە كاسىپتىك ءبىلىم بەرۋ)  ينكليۋزيۆتى ءبىلىم بەرۋ ءۇشىن جاعداي جاساۋ كوزدەلگەن», – دەلىنگەن قۇجاتتا.

وقۋ-اعارتۋ مينيسترلىگىنىڭ بۇل باستاماسىن قازاقستان رەسپۋبليكاسىنىڭ ۇكىمەتى 1 تامىزدا قولداعان.

بۇدان باسقا, شارۋاشىلىق جۇرگىزۋ قۇقىعىنداعى مەملەكەتتىك كاسىپورىن بولىپ قايتا ۇيىمداستىرۋ ۇسىنىلادى, ول ورتالىققا عىلىمي جانە (نەمەسە) عىلىمي-تەحنيكالىق جوبالار بويىنشا گرانتتىق قارجىلاندىرۋ كونكۋرستارىنا قاتىسۋعا, ينكليۋزيۆتى ءبىلىم بەرۋدى دامىتۋدىڭ وزەكتى ماسەلەلەرى بويىنشا زەرتتەۋلەر جۇرگىزۋگە جانە ورتالىقتا جۇمىس ىستەۋ ءۇشىن عىلىمي كادرلاردى تارتۋعا مۇمكىندىك بەرەدى.

«بوبەك» ورتالىعى 1997 جىلى سارا نازارباەۆانىڭ باستاماسىمەن قۇرىلعان. باستاپقىدا ۇيىمنىڭ قىزمەتى بالالاردى فيزيكالىق ساۋىقتىرۋعا, ولاردىڭ رۋحاني دامۋى مەن بىلىم الۋىنا باعىتتالعان. 2001 جىلى سارا نازارباەۆا «وزىن-ءوزى تانۋ» بىلىم بەرۋ جوباسىن قولعا الدى.