Sara Nazarbaevaǵa qatysty tyń derek shyqty

Sara Nazarbaevanyń «Bóbek» ulttyq ortalyǵynda ózgerister bolmaq, – dep habarlaıdy Skifnews.kz aqparat portaly.

Bul týraly Ashyq NQA portalynda jazylǵan.

Oqý-aǵartý mınıstrligi «Bóbek» ulttyq ǵylymı-praktıkalyq, bilim berý jáne saýyqtyrý ortalyǵy» respýblıkalyq memlekettik qazynalyq kásipornyn qaıta uıymdastyrmaq.

Vedomstvoda «Bóbektiń» ornyna balalarǵa ınklıýzıvti bilim berý mekemesin qurmaq.

«Qazaqstan Respýblıkasy Bala quqyqtary týraly jáne Múgedekterdiń quqyqtary týraly konvenııalardy ratıfıkaııalap, ınklıýzıvti bilim berý qaǵıdattaryn iske asyrý úshin jaǵdaılar jasaý jónindegi mindettemelerdi qabyldady. «Bilim týraly» Qazaqstan Respýblıkasy Zańynyń 8 babynyń 6 tarmaǵyna sáıkes memleket ınklıýzıvti bilim berýdiń maqsatyn iske asyra otyryp, bilim berýdiń barlyq deńgeıinde damý múmkindikteri shekteýli azamattarǵa olardyń bilim alýyna, damýyndaǵy aýytqýdy túzetýine jáne áleýmettik beıimdelýine arnaıy jaǵdaılar jasaýdy qamtamasyz etedi.

Osyǵan baılanysty, 2029 jylǵa qaraı Bilim berýdi damytý tujyrymdamasyna sáıkes 100% bilim berý uıymdarynda  (mektepke deıingi, orta, tehnıkalyq jáne kásiptik bilim berý)  ınklıýzıvti bilim berý úshin jaǵdaı jasaý kózdelgen», – delingen qujatta.

Oqý-aǵartý mınıstrliginiń bul bastamasyn Qazaqstan Respýblıkasynyń Úkimeti 1 tamyzda qoldaǵan.

Budan basqa, sharýashylyq júrgizý quqyǵyndaǵy memlekettik kásiporyn bolyp qaıta uıymdastyrý usynylady, ol Ortalyqqa ǵylymı jáne (nemese) ǵylymı-tehnıkalyq jobalar boıynsha granttyq qarjylandyrý konkýrstaryna qatysýǵa, ınklıýzıvti bilim berýdi damytýdyń ózekti máseleleri boıynsha zertteýler júrgizýge jáne Ortalyqta jumys isteý úshin ǵylymı kadrlardy tartýǵa múmkindik beredi.

«Bóbek» ortalyǵy 1997 jyly Sara Nazarbaevanyń bastamasymen qurylǵan. Bastapqyda uıymnyń qyzmeti balalardy fızıkalyq saýyqtyrýǵa, olardyń rýhanı damýy men bilim alýyna baǵyttalǵan. 2001 jyly Sara Nazarbaeva «О́zin-ózi taný» bilim berý jobasyn qolǵa aldy.