ساراپشى ازاماتتارىمىز شەتەلگە اقشانى ۇرلاپ اكەتىپ, ينۆەستور رەتىندە اكەپ قۇياتىنىن ايتتى

فوتو: kapital.kz 

ەكونوميست-ساراپشى قايىربەك ارىستانبەكوۆتىڭ سوزىنشە, ازاماتتارىمىز شەتەلگە اقشانى ۇرلاپ اكەتىپ, ينۆەستور رەتىندە اكەپ قۇيادى, دەپ جازدى qandastar.kz

«سودان ەل قازىناسىنا كىرىس تە تۇسپەيدى. بۇل ەكونوميكالىق جانە ۇلتتىق قاۋىپسىزدىككە قاۋىپ توندىرەدى. سوندىقتان وسى ماسەلەنى زاڭسىز اكتيۆتەردى قايتارۋمەن اينالىسىپ جۇرگەن كوميسسيا نازارعا الۋى ءتيىس ەكەندىگىن ايتادى.

قازىرگى دوللار باعامىمەن ەسەپتەسەك, 30 جىلدا 87 ترلن تەڭگە سىرتقا كەتكەن. ەگەر كوميسسيانىڭ ءبىر جىلدا 1 ترلن تەڭگە قايتارعانىن ەسەپكە الساق, قازاقستانعا ءالى 87 جىل ۋاقىت قاجەت.

سونداي-اق ەكونوميست اكەلىنگەن قاراجاتتى قايدا جۇمساۋ قاجەتتىگىن ۇكىمەت ءبىر ءوزى شەشپەي, پارلامەنتپەن اقىلداسىپ, ماقۇلداۋىن الۋ كەرەكتىگىن جەتكىزدى. بۇل حالىق سەنىمىن ارتتىرادى.

ءارى ەلگە تۇسىنىكتى بولۋى ءۇشىن كوميسسيا «انىقتالعان», «بۇعاتتالعان» جانە «قايتارىلعان» اكتيۆتەر دەپ ءبولىپ قاراستىرىپ, مالىمەتتەردى سولاي جازۋدى ۇسىندى. سونداي-اق “زاڭدى كۇشەيتۋ ماڭىزدى”, — دەدى ول.