Sarapshy: Bir palataly Parlament halyq pen bılik arasyndaǵy jańa qarym-qatynas formaty bolýy múmkin

Foto: ashyq derekkóz

Memlekettik basqarý salasyndaǵy sarapshy, Nazarbaev Ýnıversıtetiniń doktoranty Sábına Sadıeva Memleket basshysy Qasym-Jomart Toqaevtyń Joldaýynan keıin telegram arnasynda pikir bildirdi, dep jazdy qandastar.kz

Onyń aıtýynsha, elimizde bir palataly Parlament júıesine kóshý  naqty júzege asatyn saıası reformalardyń biri bolmaq.

«Bir palataly Parlament – bul endi shyndyqqa aınalatyn joba. 2027 jyly referendým ótedi dep josparlansa, 2028 jyly Májilis jańa erejeler boıynsha qurylady», – deıdi sarapshy.

Sadıeva atap ótkendeı, jańa júıe boıynsha depýtattar proporıonaldy tásilmen saılanady. Iaǵnı, saılaýshylar jeke kandıdattarǵa emes, partııalyq tizimderge daýys beredi. Bul rette partııalardyń tizimin keıinnen qaıta qarap, tanymal, biraq kásibı emes tulǵalardy engizý tájirıbesiniń qaıtalanbaýyn qamtamasyz etý mańyzdy bolmaq.

«Qansha daýys jınasa, partııa sonsha mandat alady. Biraq naqty nátıje saılaý formýlasyna baılanysty. Eger formýla jumsaq ári saılaý shegi tómen bolsa, Parlamentke shaǵyn nemese jańa partııalardyń ótý múmkindigi artady. Bul jaǵdaı koalıııalyq úderisterdi jandandyryp, domınantty partııalardyń salmaǵyn tómendetýi múmkin», – dep túsindirdi Sadıeva.

Sondaı-aq, ol bul júıeniń azamattar men depýtattar arasyndaǵy tikeleı baılanysty álsiretý qaýpi bar ekenin de atap ótti. Burynǵydaı belgili bir okrýgten «óz» depýtaty bolmaıdy. Sondyqtan partııalar aımaqtarda halyqpen tikeleı jumys isteı alatyn ınfraqurylymdy saqtap, damytýy qajet.

«Jańa júıe saıası platformalardyń básekelestigin arttyrady. Demek, saılaýshylar naqty baǵdarlamalarǵa daýys berýge beıimdeledi. Bul partııalardyń ıdeologııalyq aıqyn pozıııasyn talap etedi. Biraq bul  partııalyq saıasattyń kúsheıýine jol ashady», – dedi sarapshy.

Sońynda Sadıeva jańa júıeniń tıimdiligi kóp jaǵdaıda saıası alańda jańa partııalardyń paıda bolýyna baılanysty bolatynyn aıtty.