ساراپشى: جولداۋدىڭ ماڭىزدى باعىتى – سالىق ساياساتىنىڭ تۇراقتىلىعى

فوتو: اشىق دەرەككوز

ەۋرازيالىق ينتەگراتسيا ينستيتۋتىنىڭ ساراپشىسى سەرىك ءجۇسىپوۆ پرەزيدەنت قاسىم-جومارت توقاەۆتىڭ جاڭا جولداۋىنىڭ نەگىزگى باعىتتارىنىڭ ءبىرى – سالىق ساياساتىنىڭ تيىمدىلىگىن ارتتىرۋ ەكەنىن العا تارتتى, – دەپ حابارلايدى qandastar.kz

ساراپشى اتاپ وتكەندەي, سالىقتىق اكىمشىلەندىرۋ سالىق تولەۋشىلەرگە دەگەن سەنىم نەگىزىندە قۇرىلۋى ءتيىس.

«ياعني, سالىق سالۋدى باسقارۋدىڭ ءمانى جازالاۋ فۋنكتسياسىندا ەمەس, سالىق تولەۋشى ءۇشىن بارىنشا قولايلى جاعداي جاساۋىندا. سالىقتىق كليماتتىڭ تۇراقتىلىعىنا ەرەكشە ءمان بەرىلەدى, بۇل – شەتەلدىك جانە وتاندىق كاپيتالداردى ۇزاق مەرزىمدى ينۆەستيتسيالاۋ ءۇشىن وتە قاجەت شارت. سونىمەن قاتار, ماكروەكونوميكالىق ۆەكتور بويىنشا ايتارلىقتاي جەتىستىكتەر بايقالدى. اتاپ ايتقاندا, قازاقستاننىڭ حالىقارالىق رەزەرۆتەرى 100 ملرد دوللارعا دەيىن نىعايدى, وتكەن جىلمەن سالىستىرعاندا ينفلياتسيا 2,5 ەسە باياۋلادى», – دەيدى ول.

ەۋرازيالىق ينتەگراتسيا ينستيتۋتى ساراپشىسىنىڭ پىكىرىنشە, سالىق سالاسىن تولىق تسيفرلاندىرۋ, ماجبۇرلەپ ءوندىرىپ الۋدى قولدانباي حابارلامالار جىبەرىلەتىن سالىق بەرەشەگى شەگىن ۇلعايتۋ, سالىق رەجيمدەرى مەن جەڭىلدىكتەردى وڭتايلاندىرۋ – مەملەكەت باسشىسى ۇسىنعان وسى شارالاردىڭ بارلىعى ءبىر ماقساتتى كوزدەيدى – بيزنەستى قولداۋ جانە ونىڭ الەۋمەتتىك جاۋاپكەرشىلىگىن ارتتىرۋعا ىقپال ەتۋ.

«بۇل ينۆەستيتسيالىق كليماتقا اسەر ەتەتىن جانە جاڭا ەكونوميكالىق ساياساتتىڭ قارجىلىق بازاسىن كۇشەيتۋگە مۇمكىندىك بەرەدى.
بۇگىنگى تاڭدا كاسىپكەرلىك قىزمەتتى شەكتەيتىن 10 مىڭنان استام ارتىق جانە وزەكتى ەمەس تالاپتار جويىلىپ وتىر”, – دەدى ول.

قازاقستاندا بيزنەستى دامىتۋدى قولداۋ شەڭبەرىندە ۇكىمەتكە 2029 جىلعا قاراي ەكونوميكاداعى ورتا بيزنەستىڭ ۇلەسىن 15% – عا دەيىن ۇلعايتۋ تاپسىرىلدى, بۇگىندە بۇل كورسەتكىش شامامەن 7% قۇرايدى. بۇل ينديكاتور پرەزيدەنتتىك مىندەتتەردىڭ ناقتى ورىندالۋ كورسەتكىشتەرىنىڭ ءبىرى بولادى.

جالپى, پرەزيدەنت تاپسىرماسىن ىسكە اسىرۋ شەڭبەرىندە وتاندىق سالىق سالۋ جانە كاسىپكەرلىك جۇيەسىن دامىتۋ ءۇشىن جاعدايلاردى رەتكە كەلتىرۋ مىندەتى تۇر, بۇل وتاندىق ەكونوميكانى نىعايتۋعا ماڭىزدى ۇلەس بولماق.