سارباز ەربايان مۇحتار تۇركياعا ەمدەلۋگە جىبەرىلدى

فوتو ينگا يمانبايدىڭ جەلىدەگى پاراقشىسىنان الىنعان

قۇقىق قورعاۋشى ينگا يمانباي جەلىدەگى پاراقشاسىندا سارباز ەربايان مۇحتار تۇركياعا ەمدەلۋگە جىبەرىلگەنىن مالىمدەدى. بۇل تۋرالى qandastar.kz Stan.kz اقپارات اگەنتتىگى حابارلايدى.

ينگا يمانباي جازباسىندا ساربازدىڭ استانادان ىستامبۇلعا 27 قىركۇيەكتە تاڭعى سەگىزدە ۇشىپ كەتكەنىن ايتادى.

«ەربايان ىستامبۇلعا جولعا شىقتى. ۇشاق بۇگىن تاڭعى سەگىزدە استانادان ۇشتى. بۇل كۇنگە جەتۋ دە وڭايعا سوققان جوق. توقتاۋسىز كۇرەس, تالماي ەڭبەكپەن كەلدى. باستىسى, كەڭپەيىل حالقىمىزدىڭ مەيىرىمى مەن جاناشىرلىعىنىڭ جەمىسى. ەربايان, مىقتى بول! بۇل جارتىلاي جەڭىس! بۇيىرسا ۇلكەن جەڭىستەر الدا. سەنىڭ بار ءومىرىڭ الدا. امان-ەسەن ەلگە ءوز اياعىڭمەن ورالۋىڭدى كۇتەمىز», – دەپ جازدى ينگا.

ايتا كەتەيىك, شامامەن ون كۇن بۇرىن ەرباياننىڭ اكەسى حاميت ايماعامبەتوۆ ءباسپاسوز كونفەرەنتسياسىندا ساربازدىڭ قاشان ەمدەلۋگە جىبەرىلەتىنى تۋرالى جاۋاپ بەرگەن ەدى. سول كەزدە ءحاميتتىڭ ايتۋىنشا, قۇجاتتارمەن بايلانىستى قيىندىقتار جانە ۇلىنىڭ جاعدايى بۇل شارانى جۇزەگە اسىرۋعا مۇمكىندىك بەرمەگەن. جاز ايلارىندا قازاقستاندىقتار جىگىتتىڭ ەمدەلۋىنە قارجى جيناعانىن جازعان ەدىك.

ەسكە سالايىق, بۇعان دەيىن الماتى وبلىسىندا اسكەري بولىمدە جاراقات الىپ, التى اي بويى كومادا جاتقان ساربازدىڭ اناسى ادىلدىك تالاپ ەتكەنى تۋرالى جازعان ەدىك. سودان كەيىن باس اسكەري پروكۋراتۋرا ەربايان مۇحتاردىڭ ىسىنە قاتىستى مالىمدەمە جاسادى. جاقىندا ونىڭ اۋرۋحانادان شىعارىلعانى ايتىلدى.