Sarbaz Erbaıan Muhtar Túrkııaǵa emdelýge jiberildi

Foto Inga Imanbaıdyń jelidegi paraqshysynan alynǵan

Quqyq qorǵaýshy Inga Imanbaı jelidegi paraqshasynda sarbaz Erbaıan Muhtar Túrkııaǵa emdelýge jiberilgenin málimdedi. Bul týraly qandastar.kz Stan.kz aqparat agenttigi habarlaıdy.

Inga Imanbaı jazbasynda sarbazdyń Astanadan Ystambulǵa 27 qyrkúıekte tańǵy segizde ushyp ketkenin aıtady.

«Erbaıan Ystambulǵa jolǵa shyqty. Ushaq búgin tańǵy segizde Astanadan ushty. Bul kúnge jetý de ońaıǵa soqqan joq. Toqtaýsyz kúres, talmaı eńbekpen keldi. Bastysy, keńpeıil halqymyzdyń meıirimi men janashyrlyǵynyń jemisi. Erbaıan, myqty bol! Bul jartylaı jeńis! Buıyrsa úlken jeńister alda. Seniń bar ómiriń alda. Aman-esen elge óz aıaǵyńmen oralýyńdy kútemiz», – dep jazdy Inga.

Aıta keteıik, shamamen on kún buryn Erbaıannyń ákesi Hamıt Aımaǵambetov baspasóz konferenııasynda sarbazdyń qashan emdelýge jiberiletini týraly jaýap bergen edi. Sol kezde Hamıttiń aıtýynsha, qujattarmen baılanysty qıyndyqtar jáne ulynyń jaǵdaıy bul sharany júzege asyrýǵa múmkindik bermegen. Jaz aılarynda qazaqstandyqtar jigittiń emdelýine qarjy jınaǵanyn jazǵan edik.

Eske salaıyq, buǵan deıin Almaty oblysynda áskerı bólimde jaraqat alyp, alty aı boıy komada jatqan sarbazdyń anasy ádildik talap etkeni týraly jazǵan edik. Sodan keıin bas áskerı prokýratýra Erbaıan Muhtardyń isine qatysty málimdeme jasady. Jaqynda onyń aýrýhanadan shyǵarylǵany aıtyldy.