ساربازدار ۇلتتىق تاعام جەيتىن بولادى

فوتو: اشىق دەرەككوز

مەملەكەت باسشىسىنىڭ تاپسىرماسىنا ساي باسقارۋ پروتسەستەرىن ودان ءارى تسيفرلاندىرۋ شەڭبەرىندە ۇلتتىق ۇلان قويمالارىنداعى ازىق-ت ۇلىك قورلارىنىڭ جارامدىلىق مەرزىمدەرىنە تسيفرلىق باقىلاۋ ەنگىزىلدى. وسىعان بايلانىستى قۇقىقتىق ءتارتىپ اسكەرى قازاق حالقىنىڭ ۇلتتىق تاعامدارىن تانىمال ەتۋ مەن مادەني قۇندىلىقتارىن ساقتاۋ اياسىندا اسكەري قىزمەتشىلەردىڭ راتسيونىنا ەنگىزۋگە باستاماشى بولدى, دەپ جازادى qandastar.kz

جاڭارتىلعان ارميالىق راتسيونعا قازاقشا ەت, سىرنە, ناۋرىز-كوجە, نارىن, كەسپە, باۋىرساق جانە باسقا دا ءداستۇرلى تاعامدار ەنگىزىلەدى.

«اسكەري تاماقتانۋعا ۇلتتىق تاعامداردى ەنگىزۋ — بۇل اسپازدىق جاڭالىق قانا ەمەس, اسكەري قىزمەتشىلەرىمىزدىڭ جاۋىنگەرلىك رۋحىن نىعايتۋ مەن مادەني بىرەگەيلىگىن ساقتاۋداعى ماڭىزدى قادام», — دەپ اتاپ ءوتتى ۇلتتىق ۇلان باس قولباسشىسىنىڭ تىل جونىندەگى ورىنباسارى ەركەبۇلان حاميدۋللين.

ۇسىنىلىپ وتىرعان وزگەرىستەر الدىن الا قازاق تاماقتانۋ اكادەمياسىمەن كەلىسىلگەن, سەبەبى كالورياسى مەن ەنەرگەتيكالىق قۇندىلىعى جوعارى ۇلتتىق تاعامدارمەن بايىتىلعان راتسيون زات الماسۋدى, يممۋنيتەتتى جاقسارتۋعا جانە قارقىندى جۇكتەمەدەن كەيىن كۇش-قۋاتتى قالپىنا كەلتىرۋگە ىقپال ەتەدى.

دوڭگەلەك ۇستەل قورىتىندىسى بويىنشا ۇلتتىق ۇلاننىڭ باستاماسى قولداۋ تاپتى. الداعى ۋاقىتتا وسىنداي جۇمىس ورتاق كۇشپەن جالعاساتىن بولادى. سەبەبى بۇل باستامانىڭ دەنساۋلىققا پايداسىنان باسقا اسكەري قىزمەتشىلەردى پاتريوتتىق رۋحتا تاربيەلەۋدە ماڭىزدى ءرول اتقارادى. ءداستۇرلى تاعامدار تۋعان جەرىن, جاقىن ادامدارىن ەسكە سالىپ, مادەني مۇرامەن بايلانىستى نىعايتادى دەپ ەسەپتەيدى اسكەري مەديتسينا جانە پسيحولوگيا سالاسىنداعى ساراپشىلار.

ايتا كەتسەك, وتكەن جىلى قۇقىقتىق ءتارتىپ اسكەرلەرىندە جاڭارتىلعان راتسيونعا اپروباتسيا جۇرگىزىلدى. ۇلاندىقتار بۇل باستامانى قولدادى. ولار ءداستۇرلى تاعامداردىڭ اسكەري قىزمەتتە  قولايلى جاعداي جاساپ, پسيحولوگيالىق كوڭىل-كۇيدىڭ جاقسى بولۋىنا ءوز سەپتىگىن تيگىزەتىنىن اتاپ ءوتتى.