Saryaǵash medrese-kolledji memleket esebinen qarjylandyryla ma?

Saryaǵash medrese-kolledji memleket esebinen qarjylandyrylyp keledi, – dep habarlaıdy qandastar.kz inbusiness.kz-ke silteme jasap. Bul málimetti Túrkistan oblystyq Bilim basqarmasynyń baspasóz qyzmeti rastady.

Bul oqý ornynda Islamtaný, Imam-hatıb, Ustaz mamandyqtary boıynsha shákirtter bilim alýda.

– Memlekettik bilim berý standarttaryna sáıkes, dinı senimine qaramastan, bilim berý uıymdary memlekettik qoldaýǵa, onyń ishinde granttarǵa úmitker bola alady. Osyǵan oraı, 2018-2024 jyldar aralyǵynda Saryaǵash medrese-kolledjine respýblıkalyq bıýdjetten 1,6 mlrd teńgeden astam qarjy bólindi. Jalpy, 2018-2025 jyldary oqý ornyna 900 grant bólingen, – delingen Basqarma habarlamasynda.

Aıta keterligi, buǵan deıin áleýmettik jelilerde atalǵan oqý ornyna memleketten jyl saıyn 200 mln teńgeden astam qarjy bólinetini týraly aqparat taraǵan bolatyn.