سارىعاشتىق دارىگەر داۋن سيندرومى بار بالاعا كۇش قولدانعان

فوتو: ۆيدەو سكرين

سارىاعاشتا ارت-تەراپەۆت داۋن سيندرومى بار بالاعا كۇش قولدانعان, دەپ حابارلادى qandastar.kz.

وقيعا جەكە تۇزەتۋ ورتالىقتارىنىڭ بىرىندە ورىن العان. الەۋمەتتىك جەلىلەردە ورتالىق قىزمەتكەرىنىڭ ەرەكشە قاجەتتىلىكتەرى بار بالانى ەدەندە سۇيرەگەن ءساتى تۇسىرىلگەن ۆيدەو تاراپ جاتىر.

الەۋمەتتىك جەلىدە تاراعان اقپاراتتا, بالادا داۋن سيندرومى بار ەكەنى جانە جۇرەگىنە ەكى رەت وتا جاساتقانى ايتىلعان.

بالانىڭ اناسىنىڭ ايتۋىنشا, ۇلى جىلاپ كەلىپ, «مۇعالىم مەنى ۇردى. قورقىپ كەتتىم” دەپ ايتقان.

تۇركىستان وبلىستىق پوليتسيا دەپارتامەنتىنىڭ حابارلاۋىنشا, قىلمىستىق كودەكستىڭ «كامەلەتكە تولماعان بالانى تاربيەلەۋ جونىندەگى مىندەتتەردى ورىنداماۋ” بابى بويىنشا قىلمىستىق ءىس قوزعالدى. وقيعاعا قاتىسى بار ادامدار پوليتسياعا جەتكىزىلىپ, تۇسىنىكتەمە بەردى. ءىس تۇركىستان وبلىسى پوليتسيا دەپارتامەنتى باسشىلىعىنىڭ باقىلاۋىنا الىندى.

قازىر بارلىق ءمان-جايدى انىقتاۋ بويىنشا قاجەتتى شارالار جۇرگىزىلىپ جاتىر. تەرگەۋ ناتيجەسىنە سايكەس ءتيىستى شەشىم قابىلدانادى. سونداي-اق, بۇعان دەيىن پوليتسياعا ەشكىمنىڭ ارىزدانباعانى انىقتالدى.

جەلىدە تاراعان اقپاراتقا سۇيەنسەك, ار-تەراپەۆت جۇمىستان بوساتىلعان. بالاعا پسيحولوگيالىق كومەك كورسەتىلدى.