Saryǵashtyq dáriger Daýn sındromy bar balaǵa kúsh qoldanǵan

Foto: vıdeo skrın

Saryaǵashta art-terapevt Daýn sındromy bar balaǵa kúsh qoldanǵan, dep habarlady qandastar.kz.

Oqıǵa jeke túzetý ortalyqtarynyń birinde oryn alǵan. Áleýmettik jelilerde ortalyq qyzmetkeriniń erekshe qajettilikteri bar balany edende súıregen sáti túsirilgen vıdeo tarap jatyr.

Áleýmettik jelide taraǵan aqparatta, balada Daýn sındromy bar ekeni jáne júregine eki ret ota jasatqany aıtylǵan.

Balanyń anasynyń aıtýynsha, uly jylap kelip, «Muǵalim meni urdy. Qorqyp kettim” dep aıtqan.

Túrkistan oblystyq polıııa departamentiniń habarlaýynsha, Qylmystyq kodekstiń «Kámeletke tolmaǵan balany tárbıeleý jónindegi mindetterdi oryndamaý” baby boıynsha qylmystyq is qozǵaldy. Oqıǵaǵa qatysy bar adamdar polıııaǵa jetkizilip, túsinikteme berdi. Is Túrkistan oblysy polıııa departamenti basshylyǵynyń baqylaýyna alyndy.

Qazir barlyq mán-jaıdy anyqtaý boıynsha qajetti sharalar júrgizilip jatyr. Tergeý nátıjesine sáıkes tıisti sheshim qabyldanady. Sondaı-aq, buǵan deıin polıııaǵa eshkimniń aryzdanbaǵany anyqtaldy.

Jelide taraǵan aqparatqa súıensek, ar-terapevt jumystan bosatylǵan. Balaǵa psıhologııalyq kómek kórsetildi.