جاڭالىقتار
«ساتىبالدى اۋلەتىنەن كومەك سۇراعان»: جۇمىسشىلارىنا ءۇي بەرگەن الاگوزوۆتىڭ ەكس-ايەلى توسىن مالىمدەمە جاسادى
فوتو: https://www.instagram.com/lyaisira_marat/
كاسىپكەر تۇرسەن الاگوزوۆتىڭ بۇرىنعى جۇبايى ليايسيرا مارات مالىمدەمە جاساپ, كاسىپكەردىڭ «100 پاتەر» تاراتۋ اكتسياسىنا قاتىستى پىكىر ءبىلدىردى, دەپ جازدى qandastar.kz
بۇل تۋرالى Stan.kz اقپارات اگەنتتىگى حابارلايدى.
بيزنەس سالاسىنىڭ وكىلى ەكس-جۇبايىنىڭ ءىس-ارەكەتىن قايىرىمدىلىق ەمەس, ماركەتينگتىك ايلا دەپ اتادى.
“ناعىز قايىرىمدىلىق – ەشقانداي پايدا كوزدەمەي, شىن نيەتپەن جاسالاتىن كومەك. وندا قايىرىمدىلىق جاساۋشى ادەتتە اتى-ءجونىن كورسەتپەيدى, جارنامالامايدى. ال بۇل جولعى 2 ميلليارد تەڭگە – ناۋقان الدىنداعى ءونىمنىڭ تانىمالدىلىعىن ارتتىرۋعا ارنالعان ماركەتينگ بيۋدجەتىنىڭ جارتىسىنا تەڭ. شاي ساتىلۋى كەرەك, قويمادا قالىپ قويماۋى ءتيىس. ەكىنشى جاعىنان, بۇل – ادامنىڭ ءيميدجىن كوتەرۋدىڭ ءبىر جولى”, – دەيدى ليايسيرا مارات.
سونداي-اق, كەزىندە ەكس-جۇبايى ءوزىن كەزىندە كومپانياعا يەلىك ەتۋدەن شەتتەتۋدى سۇراعان كورىنەدى. ول ءۇشىن ساتىبالدى اۋلەتىنىڭ كومەگىنە جۇگىنگەن.
“ول ءسىڭلىم ەكەۋمىزدى كومپانيادان شەتتەتۋگە كومەك سۇراعان. سول كەزدەن باستاپ بىزگە قىسىم كۇشەيىپ, قىلمىستىق ىستەر اشىلىپ, كوماندامىز كۇيزەلىس جاعدايىندا جۇمىس ىستەدى. 2021 جىلدىڭ ورتاسىنا قاراي ساتۋ كولەمى 35 ميلليارد تەڭگەدەن استى. كومپانيا مىندەتتەمەلەردەن قۇتىلدى, ال ءونىم نارىقتا تانىمال برەندكە اينالدى. ءدال وسى كەزدە, ياعني 2021 جىلدىڭ جازىندا مەنى كومپانيادان شىعارىپ جىبەردى. ەگەر قارسىلىق بىلدىرسەم, بالكىم, قازىر ءتىرى دە بولماس پا ەدىم”, – دەپ ءبولىستى ول.
ەسكە سالايىق, «اجىراسقان قۇربىلارىممەن ارالاستىرمادى» دەپ تۇرسەن الاگوزوۆتىڭ بۇرىنعى ايەلى وتباسىنا قاتىستى قۇپيانى بولىسكەن ەدى.
