Saýalnamaǵa qatysyńyz: «Ádildik jáne órkendeý» qory mektepterdegi tamaqtyń sapasyna monıtorıng jasamaq

Foto: ashyq derekkóz

«Ádildik jáne órkendeý» qoǵamdyq qory memlekettik mektepterdegi tamaqtyń sapasyna qatysty áleýmettik monıtorıngtiń bastalǵanyn habarlap, oǵan barlyq qazaqstandyq oqýshylardyń ata-analaryn qatysýǵa shaqyrady. Ol úshin osy jyldyń 14 men 28 qazany aralyǵynda ózińizge qolaıly ýaqytta berilgen suraqtarǵa onlaın jaýap berý qajet: http://surl.li/znqxez

qandastar.kz jazǵandaı, áleýmettik monıtorıngte mektep oqýshylaryn dámdi jáne paıdaly tamaqtandyrýǵa qatysty barlyq suraqtar qamtylǵan. Qor ata-analardan mázirdiń ártúrliligin, ashanalardyń sanıtarlyq jaǵdaıyn, oqýshylardyń tamaqtaný kestesiniń yńǵaılylyǵyn jáne basqa da qyzmetterdi baǵalaýdy suraıdy.

Saýalnama jasyryn túrde ótedi. Jaýap berý ýaqyty bes mınýttan aspaıdy.

Ata-analardyń jaýaptary memlekettik mektepterde tamaqtaný proesin uıymdastyrýǵa qatysty eń ózekti máselelerdi anyqtaýǵa kómektesedi. Saýalnama nátıjeleri BAQ-ta jarııalanyp, QR Oqý-aǵartý mınıstrligine jáne basqa da múddeli memlekettik organdarǵa jiberiledi. Saýalnamaǵa qatysýshylardyń óz usynystaryn berýge múmkindigi de bar. Ata-analardyń pikirine súıene otyryp, Qor mektep ashanalarynyń sapasyn jaqsartý boıynsha usynystar ázirleıdi.

Memlekettik mektepterdegi balalardyń tamaqtaný sapasyn baqylaý taqyryby – «Ádildik jáne órkendeý» Qory qyzmetiniń basym baǵyttarynyń biri. Jumys QR Oqý-aǵartý mınıstrligimen jáne Qazaq Taǵamtaný Akademııasymen birlesip júrgizilýde.

Áleýmettik monıtorıngten basqa, Qor mekteptegi tamaqtaný sapasyn baǵalaý boıynsha qoǵamdyq baqylaý sheńberinde turaqty túrde basqa da is-sharalardy ótkizedi. Mysaly, Qor belsendileri Jetisý oblysynyń, Túrkistan jáne Almaty oblystarynyń, Almaty qalasynyń mektep ashanalaryna tekserý júrgizdi.

Qor osy tekseris barysynda balalarǵa qosymsha tamaq porııasynyń berilmeýi, astyń mázirdegi sıpattamaǵa sáıkes kelmeýi, býfetterde mektepterde satýǵa tyıym salynǵan ónimderdiń satylýy (onyń ishinde shokolad pen energetıkalyq sýsyndar), sanıtarlyq normalar men tamaq daıyndaý tehnologııalarynyń saqtalmaýy sekildi buzýshylyqtardy anyqtady. Sondaı-aq, mektep ashanasynda gaz ballonyn paıdalaný, qyzmetkerlerdiń arnaıy dıplomynyń joqtyǵy sekildi jáıtter de jıi kezdesedi. Barlyq anyqtalǵan buzýshylyqtar boıynsha aktiler jasalyp, baqylaýshy organdarǵa jiberildi. Qor bıylǵy oqý jylynyń sońyna deıin elimizdiń barlyq óńirindegi mektep ashanalaryn tekserip shyǵýdy josparlap otyr.

Eske salsaq, «Ádildik jáne órkendeý» qoǵamdyq qory belsendi azamattardyń bastamasymen quryldy. Búginde Qazaqstannyń barlyq aımaǵynda óz ókildigi men 5 000 astam jaqtasy bar. Qordyń jobalary men bastamalary kásiporyndardaǵy qaýipsizdik tehnıkasyn saqtaý, mekteptegi tamaq sapasyn baqylaý, jóndelgen joldyń sapasyn tekserý sekildi mańyzdy máselelerge arnalǵan. Qor qazaqstandyqtardyń eńbek quqyǵyn qorǵaýǵa qatysty tegin zańgerlik kómek kórsetedi. El turǵyndarynyń pikirin anyqtaý úshin Qor «Áleýmettik monıtorıng» júrgizedi. Kez kelgen qazaqstandyq Manıfestke qol qoıyp, Qor jumysyna qosyla alady.