ساۋد ارابياسىنداعى توتەنشە جاعداي: مەككە مەن ءمادينانى توپان سۋ باستى

ساۋد ارابياسىندا قاتتى سۋ تاسقىنى بولدى, – دەپ حابارلايدى qandastar.kz اقپارات پورتالى Mash-قا سىلتەمە جاساپ.

باق-تىڭ حابارلاۋىنشا, قاسيەتتى مەككە مەن ءمادينا قالالارىنىڭ كوشەلەرىن سۋ باسىپ قالدى. تولاسسىز جاۋعان جاڭبىردان كەيىن جولدار «كولگە» اينالىپ, كولىكتەردى سۋ شايىپ كەتكەن.

ساۋد ارابياسىنىڭ مەتەورولوگيالىق دەپارتامەنتى مەككە, ءمادينا جانە جيددا قالالارىندا قاۋىپتىلىكتىڭ قىزىل دەڭگەيىن جاريالادى.

بۇعان دەيىن سيتسزاندا (قحر تيبەت اۆتونوميالىق وكرۋگى) جويقىن جەر سىلكىنىسى بولعانى حابارلانعان ەدى. ماگنيتۋداسى 6,8 بولاتىن جەر سىلكىنىسى قىتايدىڭ وڭتۇستىك-باتىسىنداعى شيگاتسزە قالاسىنىڭ دينجي (تينگري) ۋەزىندە تىركەلدى. قازىرگى ۋاقىتتا قازا تاپقاندار سانى 100-گە جۋىقتاعانى بەلگىلى بولدى. ءدۇمپۋ نەپال مەن ءۇندىستاندا دا سەزىلدى.