Saýda mınıstrligi azyq-túlik baǵalary ósimine qatysty málimdeme jasady

Foto:  gov.kz

Eýrazııalyq ekonomıkalyq komıssııanyń málimetteri boıynsha, Qazaqstan azyq-túlik taýarlarynyń baǵasynyń ósý qarqynynda eń tómengi kórsetkishti ıelendi, ıaǵnı Armenııadan keıin orynda tur. Qazaqstanda bul kórsetkish 2,9%-dy qurasa, Reseıde – 4,5%, Belarýste – 3,7%, dep habarlaıdy qandastar.kz Dalanews.kz-ke silteme jasap.

Qyrkúıek aıynda Qazaqstanda jyldyq ınflıaııa 8,3%-ǵa deıin baıaýlady, azyq-túlik baǵasynyń ósý qarqyny jyldyq mánde 5,1%-ǵa deıin tómendedi.

«Toǵyz aıdyń qorytyndysy boıynsha azyq-túlik baǵasy tamyz aıymen salystyrǵanda turaqty qaldy. 7 taýar boıynsha kórsetkisht tómendegen. Onyń ishinde sábiz, kúrish, jumyrtqa, qyryqqabat, qaraqumyq, kúnbaǵys maıy jáne un bar», delingen mınıstrlik habarlamasynda.

Baǵany turaqtandyrý úshin QR Saýda jáne ıntegraııa mınıstrligi qoldaý sharalaryn júzege asyrýda, sonyń ishinde:

• otandyq óndiristi qoldaıtyn ÁMAT-ryn basymdyqpen qarjylandyrý;
• maýsymaralyq kezeńde taýar ıntervenııalary;
• saýda ústemesin baqylaý;
• deldaldardy boldyrmaý úshin baǵa belgileý tizbegin taldaýdy kúsheıtý;
• zamanaýı saýda formattary men ınfraqurylymyn damytý.

Jyl basynan beri Saýda jáne ıntegraııa mınıstrliginiń aýmaqtyq bólimsheleri saýda ústemesin asyra qoldanǵany úshin 4014 ákimshilik qaýly shyǵardy.

«Jalpy somasy 25 mln teńgege 667 aıyppul men 3,3 myńnan astam eskertý jasaldy. О́tken jyldyń osy kezeńimen salystyrǵanda qaýlylar sany 4 ese ósti, bul mınıstrliktiń baqylaýdy tıimdi júrgizip jatqanyn kórsetedi», delingen habarlamada.

Buzýshylyqtardy anyqtaýdyń mańyzdy quraly retinde elektrondyq shot-faktýralardyń (ESF) taldaýy qoldanylady. Alty aı ishinde azyq-túlik taýarlaryn jetkizý tizbekteriniń 8,9 myńnan astamy taldanyp, saýda zańnamasyn buzýdyń 3 myńnan astam táýekelderi anyqtaldy.

Saýda ústemesin asyra qoldanǵany úshin ákimshilik jazalardy kúsheıtý boıynsha Ákimshilik quqyq buzýshylyq Kodeksine túzetýler engizý ázirlendi. Atap aıtqanda, sýbektilikke baılanysty birinshi buzýshylyq úshin eskertýdi 5-ten 150 AEK-ke deıin aıyppulmen almastyrý usynylady.

«Deldaldyq shemalardy tergeý boıynsha óńirlik komıssııalar belsendi jumys isteýde. Jyl basynan beri komıssııalardyń 1169 otyrysy ótkizilip, shamamen 3,2 myńǵa jýyq ónimsiz deldaldyq pen saýda ústemesin asyrý faktileri anyqtaldy. Kásipkerler men jeke tulǵalarmen túsindirý jumystary qatar júrgizilýde. Keshendi jumystyń nátıjesinde biz ÁMAT-dyń baǵalarynyń 5%-dan 30%-ǵa deıin tómendeýin baıqaýdamyz», – deıdi mınıstrliktegiler.

Jumyrtqa baǵasynyń ósýine jol bermeý úshin Saýda jáne ıntegraııa mınıstrligi men Qazaqstan Qus ósirýshiler odaǵy, Jumyrtqa óndirýshiler qaýymdastyǵy arasynda aǵymdaǵy jyldyń sońyna deıin jumyrtqa baǵasynyń joǵarǵy shegin bekitý boıynsha yntymaqtastyq memorandýmdary jasaldy. О́z kezeginde, otandyq jumyrtqa óndirýshilerdi qoldaý maqsatynda aǵymdaǵy jyldyń 1 mamyrynan bastap 6 aı merzimge avtokólikpen jumyrtqa ákelýge shekteý engizildi.

Reseı tarapynan qant eksportyna engizilgen shekteý sharalaryna baılanysty ishki naryqty qorǵaý maqsatynda 14 maýsymnan 31 tamyzǵa deıin EAEO elderine jáne úshinshi elderge Qazaqstan aýmaǵynan qant eksporttaýǵa tyıym salyndy.

Sondaı-aq, QR Saýda jelileri odaǵymen saýda jelileriniń sórelerinde otandyq taýarlardyń úlesin ulǵaıtýǵa jáne otandyq óndiristi damytýǵa járdemdesýge baǵyttalǵan birlesken sharalardy qabyldaý týraly memorandýmǵa qol qoıyldy.