جاڭالىقتار
ساۋنادا تاماق ازىرلەگەن: تالدىقورعانداعى بالالار لاگەرى نە ءبۇلدىرىپ وتىر?
فوتو: ۇلت.كز
تالدىقورعان قالاسىندا, قاراتال وزەنىنىڭ بويىندا ورنالاسقان كۇنشۋاق بالالار وڭالتۋ ورتالىعى بالالارعا ساۋنادا تاماق ازىرلەگەن. شيپاجايدا ەمدەلىپ جاتقان بالالارعا ساۋنادا تاماق ازىرلەنگەنى تتسرالى Alash.KZ حابارلايدى.
وقيعا تالدىقورعان قالاسىنداعى كۇنشۋاق بالالار وڭالتۋ ورتالىعىندا بولعان. اقپاراتتى «Joni» جەكە كاسىپكەرلىگىنىڭ جەتكىزۋشىسى مالىمدەدى.
جەتىسۋ وبلىسىنىڭ دەنساۋلىق ساقتاۋ باسقارماسىنىڭ مالىمەتىنشە, كومپانيا «كۇنشۋاق» وبلىستىق بالالاردى وڭالتۋ ورتالىعىنىڭ بالالارىن ىستىق تاماقپەن قامتاماسىز ەتۋ بويىنشا تەندەردى ۇتىپ الادى. 2023 جىلدىڭ سوڭىندا ولارمەن مەملەكەتتىك ساتىپ الۋ تۋرالى شارت جاسالادى.
قازىر قازاقستانداعى بالا قۇقىقتارى جونىندەگى ۋاكىل دينارا زاكيەۆا تالدىقورعاندا ءجۇر.
ايتا كەتەيىك, 2023 جىلى الماتىلىق وقۋشىلاردىڭ دەمالۋعا جازعى لاگەرگە ەمەس, ساۋناعا جىبەرىلگەن بولاتىن. الماتى قالاسىنىڭ پروكۋراتۋراسى «ساۋنا عيماراتىندا بالالار لاگەرىن» ۇيىمداستىرۋ كەزىندە لاۋازىمدىق وكiلەتتiكتەردى تەرىس پايدالانۋ (قر قك 361-بابى) جانە كامەلەتكە تولماعان ادامدى تاربيەلەۋ جونiندەگi مiندەتتەردi ورىنداماۋ (قر قك 140-بابى) فاكتىلەرى بويىنشا سوتقا دەيىنگى تەرگەۋ جۇرگىزگەن.
