«Saýsaǵy synyp, mıy shaıqalǵan»: Qaraǵandy turǵyny medbıkeni 20 mınýt boıy uryp-soqqan

Foto: skrınshot

16 shilde kúni Qaraǵandydaǵy jekemenshik medıınalyq ortalyqtardyń birinde er adam medbıkege shabýyl jasap, soqqyǵa jyqqan, dep habarlady qandastar.kz

Oqıǵanyń mán-jaıyn zardap shekken qyzdyń anasy aıtyp berdi.

Onyń aıtýynsha, keshki saǵat tórttiń shamasynda úıine qaıtýǵa jınalyp, bir zat alý úshin kabınetke kirgen. Sol kezde ortalyqta er adam bolǵan. Ol áıeli men balalarymen birge kelgen. Artynsha er adam qyz kirgen kabınetke kirmek bolady. Biraq bul bólme qyzmettik bolǵandyqtan, ony kirgizbegen.

Agressııanyń bastalǵan sáti beınebaqylaýǵa túsip qaldy.

Tyıym men eskertýlerge qaramastan, ol esikti syndyryp kirgen. Beınejazbada tek zardap shekken qyz ǵana emes, ózge de medıına qyzmetkerleri er adamnyń ishke kirýine kedergi keltirgeni baıqalady.

«Ol qyzymdy 20 mınýt boıy uryp-soqty. Eki saýsaǵy synǵan, mıy shaıqalǵan. Qolyn tistegen. Qatygezdikpen urdy. Qyzym jylady, aıqaılady, jalynyp: «Men jalǵyzbasty anamyn, balamdy ózim tárbıelep otyrmyn» dedi. Biraq ol toqtamady. Qyzymnyń uzyn shashyn qolyna orap tartyp, juldy. Shashynyń ortasy julynyp qalǵan, basy qanǵa boıalǵan. Qazir ol aýrýhanada jatyr», — deıdi anasy Sáýle Tasmaǵambetova kóz jasyn áreń tyıyp.

Biraq qyzy aýrýhanaǵa jatqyzylǵan soń da er adamnyń otbasy tynyshtyq bermegen.

«Týystary kelip, keshirim surap, aryzdy qaıtaryńdar dep ótindi. Qandaı keshirim? Aryzdy qalaı alamyz? Endi olar onyń jaqsy kúıeý, jaqsy áke ekenin aıtyp aqtalyp jatyr. Úsh balasy bar eken. Al uryp jatqanda sol úsh bala qarap turǵan. Ondaı adamdy ákelik quqyǵynan aıyrý kerek», — deıdi anasy.

Jábirlenýshi jaq shabýyldaýshynyń jazadan qutylyp ketýinen qorqady.

«Olar onyń Astanadan alǵan anyqtamasy jáne epılepsııamen aýyratynyn, psıhıkalyq aýytqýy baryn aıtty. Qoldarynda bir japyraq qaǵazdy bulǵap júr. Biraq kúndiz jedel járdemmen alyp ketkende dáriger «deni saý» dep dıagnoz qoıǵan. Keshke ǵana «esi durys emes» dep psıhıatrııalyq aýrýhanaǵa jatqyzyp jibergen. Bul ne masqara? Ol jaýapkershilikten qashyp qutylyp kete me? Al endi meniń qyzym psıhologtyń kómegin qajet etedi. Ol qalaı ómir súredi endi?, — dep ashynady anasy.

Oqıǵaǵa qatysty óńirlik polıııa departamenti túsinikteme berdi.

Atalǵan fakt rastaldy. Kúdikti rasymen de psıhonevrologııalyq ortalyqqa jatqyzylǵan, qazir dárigerlerdiń baqylaýynda. Jekemenshik medıınalyq mekeme qyzmetkerine kúsh qoldaný faktisi boıynsha qylmystyq is qozǵaldy. Polıııa shabýyl jasaǵan er adamnyń 42 jasta ekenin anyqtaǵan. Qylmystyń sebebi ázirge belgisiz, tergeý anyqtaıtyn bolady. Qaraǵandy oblystyq polıııa departamentiniń basshylyǵy isti erekshe baqylaýǵa aldy, — dedi polıııa.

turkystan.kz saıty ekaraganda.kz basylymyna silteme jasaǵan  Densaýlyq saqtaý basqarmasynyń habarlaýynsha, jábirlenýshi qazir shuǵyl neırohırýrgııa bóliminde jatyr. Jaǵdaıy — ortasha aýyr, biraq turaqty.