«ساياحاتشى-ستوماتولوگ»: اقتاۋداعى ۇشاق اپاتىندا بورتتا بولعان قازاقستاندىق ارۋ تۋرالى اقپارات پايدا بولدى

فوتو: جەكە قورىنان

باق-تا اقتاۋداعى ۇشاق اپاتىندا جولاۋشىلار قاتارىندا بولعان كەيبىر ازاماتتار تۋرالى اقپارات پايدا بولدى. ولاردىڭ كەيبىرى امان قالعانداردىڭ تىزىمىندە جوق. اراسىندا قازاقستاندىق ستوماتولوگ ساليما جۇتاەۆا بولعانى بەلگىلى بولدى. بۇل تۋرالى qandastar.kz Stan.kz اقپارات اگەنتتىگى حابارلايدى.

25 جەلتوقسان كۇنى تاڭەرتەڭ اقتاۋ ماڭىندا اپاتقا ۇشىراعان Azerbaijan Airlines بورتىنداعى 69 ادامنىڭ كەيبىرىنە قاتىستى اقپارات تاراپ جاتىر.

جولاۋشىلار تىزىمىندە قازاقستاندىق ستوماتولوگ ساليما جۇتاەۆا بار. ول ءوزىنىڭ Instagram-داعى اككاۋنتىندا قوستاناي مەن گروزنىيدا تۇراتىنىن كورسەتكەن. پاراقشاسىنا «ستوماتولوگ-ساياحاتشى» ەكەنىن جازعان.

جولاۋشىلار قاتارىندا بىشكەكتەگى بەس جۇلدىزدى “Ambassador” قوناقۇيى مەن “تimes” بارىندا جۇمىس ىستەگەن قىرعىزستانداعى تانىمال رەستوراتور جانە اسپاز ەرلان جۇنىساليەۆ بولعان. ول الەۋمەتتىك جەلىلەردە رەتسەپتەرى بار اسپازدىق ۆيدەولارىن ءجيى بولىسكەن. قازىر اۋرۋحاناعا جاتقىزىلعاندار تىزىمىندە ونىڭ اتى جوق.

Telegram ارنالاردىڭ اقپاراتىنا سايكەس, جولاۋشىلار اراسىندا 2011 جىلى تۋعان كامەلەتكە تولماعان مۇحاممەد ءالي ەگانوۆ بار. ول – رەسەيگە جەمىس-جيدەك جەتكىزەتىن جانە لوگيستيكاعا ماماندانعان ءىرى ازىربايجاندىق كاسىپكەر فاريد ەگانوۆتىڭ ۇلى. بالانىڭ اتى دا امان قالىپ, اۋرۋحاناعا جاتقىزىلعاندار اراسىندا جوق.

رەسەيلىك Telegram-Shot ارناسىنىڭ حابارلاۋىنشا, «ورال اۋە جولدارىنىڭ» 28 جاستاعى بورتسەرىگى رامين اگاەۆ تا وسى رەيسپەن ۇشقان. ول گروزنىيعا اۋىسىپ, ماسكەۋگە كورپوراتيۆتىك رەيسپەن ۇشپاق بولعان. قازىر رامين بايلانىسقا شىقپايدى جانە اۋرۋحاناعا جاتقىزىلعانداردىڭ اراسىنان تابىلمادى.

سونداي-اق بورتتا گروزنىي مەن اۆستريادا جۇمىس تاجىريبەسى بار 45 جاستاعى كوسمەتولوگ زايرا اتساەۆا بولدى. رەسەيلىك باق- تىڭ حابارلاۋىنشا, ونىڭ باعىتى تۇركيادان شەشەنستانعا دەيىن بولعان. قازىر اقتاۋ اۋرۋحاناسىنىڭ پاتسيەنتتەر تىزىمىندە زاير دا جوق.

جولاۋشىلار اراسىندا رەسەيلىك 34 جاستاعى تۋراگەنت كريستينا ەۆستيگنەەۆا دا بار. Shot Telegram ارناسى ونىڭ الدىڭعى ءتۇنى باكۋدە جۇمىس ىستەگەنىن ايتادى. ول دا اۋرۋحاناداعىلاردىڭ تىزىمىنەن كورىنبەيدى.

ەسكە سالساق, اقتاۋ ماڭىندا ۇشاقتىڭ قۇلاعانى تۋرالى حابارلاعان ەدىك. ۇشاقتا 62 جولاۋشى مەن 5 ەكيپاج مۇشەسى بولعان. اپات ورنىندا امان قالعان 27 ناۋقاستىڭ 11-ءى اۋىر جاعدايدا جانساقتاۋ بولىمىنە جاتقىزىلدى. دارىگەرلەردىڭ مالىمەتىنشە, سونىمەن قاتار 11 جانە 16 جاستاعى ەكى بالا دا اۋرۋحاناعا ءتۇستى. قازىر ولاردى وتاعا دايىنداپ جاتىر.

اپاتتىڭ الدىن الا سەبەبى ونىڭ قۇستارعا سوعىلۋىنان ەكەنى ايتىلدى. وكىنىشكە قاراي, امان قالعانداردىڭ تىزىمىندە قازاقستاندىقتار جوق.