«Saıahatshy-stomatolog»: Aqtaýdaǵy ushaq apatynda bortta bolǵan qazaqstandyq arý týraly aqparat paıda boldy

Foto: jeke qorynan

BAQ-ta Aqtaýdaǵy ushaq apatynda jolaýshylar qatarynda bolǵan keıbir azamattar týraly aqparat paıda boldy. Olardyń keıbiri aman qalǵandardyń tiziminde joq. Arasynda qazaqstandyq stomatolog Salıma Jutaeva bolǵany belgili boldy. Bul týraly qandastar.kz Stan.kz aqparat agenttigi habarlaıdy.

25 jeltoqsan kúni tańerteń Aqtaý mańynda apatqa ushyraǵan Azerbaijan Airlines bortyndaǵy 69 adamnyń keıbirine qatysty aqparat tarap jatyr.

Jolaýshylar tiziminde qazaqstandyq stomatolog Salıma Jutaeva bar. Ol óziniń Instagram-daǵy akkaýntynda Qostanaı men Groznyıda turatynyn kórsetken. Paraqshasyna «stomatolog-saıahatshy» ekenin jazǵan.

Jolaýshylar qatarynda Bishkektegi bes juldyzdy “Ambassador” qonaqúıi men “Times” barynda jumys istegen Qyrǵyzstandaǵy tanymal restorator jáne aspaz Erlan Júnisálıev bolǵan. Ol áleýmettik jelilerde reepteri bar aspazdyq vıdeolaryn jıi bólisken. Qazir aýrýhanaǵa jatqyzylǵandar tiziminde onyń aty joq.

Telegram arnalardyń aqparatyna sáıkes, jolaýshylar arasynda 2011 jyly týǵan kámeletke tolmaǵan Muhammed Álı Eganov bar. Ol – Reseıge jemis-jıdek jetkizetin jáne logıstıkaǵa mamandanǵan iri ázirbaıjandyq kásipker Farıd Eganovtyń uly. Balanyń aty da aman qalyp, aýrýhanaǵa jatqyzylǵandar arasynda joq.

Reseılik Telegram-Shot arnasynyń habarlaýynsha, «Oral áýe joldarynyń» 28 jastaǵy bortserigi Ramın Agaev ta osy reıspen ushqan. Ol Groznyıǵa aýysyp, Máskeýge korporatıvtik reıspen ushpaq bolǵan. Qazir Ramın baılanysqa shyqpaıdy jáne aýrýhanaǵa jatqyzylǵandardyń arasynan tabylmady.

Sondaı-aq bortta Groznyı men Avstrııada jumys tájirıbesi bar 45 jastaǵy kosmetolog Zaıra Atsaeva boldy. Reseılik BAQ- tyń habarlaýynsha, onyń baǵyty Túrkııadan Sheshenstanǵa deıin bolǵan. Qazir Aqtaý aýrýhanasynyń paıentter tiziminde Zaır da joq.

Jolaýshylar arasynda Reseılik 34 jastaǵy týragent Krıstına Evstıgneeva da bar. Shot Telegram arnasy onyń aldyńǵy túni Bakýde jumys istegenin aıtady. Ol da aýrýhanadaǵylardyń tiziminen kórinbeıdi.

Eske salsaq, Aqtaý mańynda ushaqtyń qulaǵany týraly habarlaǵan edik. Ushaqta 62 jolaýshy men 5 ekıpaj múshesi bolǵan. Apat ornynda aman qalǵan 27 naýqastyń 11-i aýyr jaǵdaıda jansaqtaý bólimine jatqyzyldy. Dárigerlerdiń málimetinshe, sonymen qatar 11 jáne 16 jastaǵy eki bala da aýrýhanaǵa tústi. Qazir olardy otaǵa daıyndap jatyr.

Apattyń aldyn ala sebebi onyń qustarǵa soǵylýynan ekeni aıtyldy. О́kinishke qaraı, aman qalǵandardyń tiziminde qazaqstandyqtar joq.