ساياسات نۇربەك قازۇۋ-داعى «پاك قىزدار تىزىمىنە» قاتىستى تىڭ دەرەك ايتتى

فوتو: baimedia.kz

عىلىم جانە جوعارى ءبىلىم ءمينيسترى ساياسات نۇربەك الماتىداعى ءال-فارابي اتىنداعى قازۇۋ ستۋدەنتتەرىنىڭ جەكە دەرەكتەرىنىڭ سىرتقا شىعىپ كەتۋىنە قاتىستى پىكىر ءبىلدىردى,  – دەپ حابارلايدى qandastar.kz.

ءمينيستردىڭ ايتۋىنشا, ۋنيۆەرسيتەت پەن مەديتسينالىق ورتالىق قىزمەتكەرلەرى اكىمشىلىك جاۋاپكەرشىلىككە تارتىلدى.

بۇعان دەيىن قازۇۋ شۋ تۋدىرعان وقيعاعا قاتىستى تۇسىنىكتەمە بەرگەن بولاتىن.

2024 جىلعى 6 اقپاندا ۋنيۆەرسيتەتكە كەلىسىمشارت نەگىزىندە مەديتسينالىق قىزمەت كورسەتەتىن «Smart Health University City» جشس مەدبيكەسى What’s app مەسسەندجەرى ارقىلى مەحانيكا-ماتەماتيكا فاكۋلتەتىنىڭ فليۋوروگرافيالىق زەرتتەۋدەن وتپەگەن 3-4 كۋرس ستۋدەنتتەرىنىڭ Excell فورماتىنداعى قۇجاتتارىن فاكۋلتەت دەكاناتىنىڭ مامانىنا جىبەردى.

الايدا بەرىلگەن قۇجاتتاردا ستۋدەنتتەردىڭ تەگى مەن اتى-جونىنەن باسقا, مەديتسينالىق قۇپياعا قاتىستى مالىمەتتەر دە بولعان. كەيىننەن ۋنيۆەرسيتەت ستۋدەنتتەرىنە قاتىستى دارىگەرلىك قۇپيانى قۇرايتىن دەربەس دەرەكتەر مەن مالىمەتتەر مەسسەندجەرلەر ارقىلى تاراپ كەتكەن, – دەلىنگەن حابارلامادا.

قازۇۋ ءباسپاسوز قىزمەتىنىڭ حابارلاۋىنشا, وسى فاكت بويىنشا 2024 جىلعى 14 اقپاندا ۋنيۆەرسيتەتتە قىزمەتتىك تەكسەرۋ تاعايىندالعان.