Saıasatker: Medıakeńistik jeńil áńgimege toly, mańyzdy máselelerge saraptama jasalmaıdy

Foto: ashyq derekkóz

Úkimette jýrnalıster otstavkaǵa ketý, taǵy da basqa máselege qatysty arandatatyn suraqtar qoıady. Sonyń áserinen aqparattyq keńistik qajetsiz jańalyqpen tolyǵyp, talqylanýy tıis taqyryptar tysqary qalyp jatyr dep aıtty saıasattanýshy Danııar Áshimbaev, – dep habarlaıdy qandastar.kz

«Roman Sklıar búgingi brıfıngte orynsyz saýaldardy atap ótti. Bir jaǵynan, mınıstrler ózekti suraqtarǵa jaýap berip, óz ustanymdaryn dáleldep, pikirtalas júrgize alýy kerek. Ekinshi jaǵynan, is júzinde úkimetke qandaı da bir baqylaý engizý qajet. О́ıtkeni qazir saraptamaǵa emes, sybystarǵa negizdelgen haıp áńgimelerge den qoıylady. Ideologııa emes, jeke múdde alǵa shyǵyp tur» dep jazdy ol telegram arnasynda.

Aıta keteıik, jaqynda Prezıdent qoǵamnyń ákimderge qoıar talaby árqashan joǵary ekenin aıta kele, ákimderdiń ár qadamyn ańdyp, jónsiz kıligetinderdi de synady.

«Qoǵamnyń ákimderge qoıatyn talaby qashanda joǵary. Bul – zańdy qubylys. Ákimniń jumysyna syn kózben qaraý – demokratııalyq qoǵamǵa tán qalypty nárse. Biraq synaǵannyń jóni osy eken dep, tym artyq ketetin ásire belsendiler de bar. О́zin bloger sanaıtyn keıbir adamdar ákimniń ár qadamyn ańdýdy ádetke aınaldyrdy. Jumysqa kedergi jasap, tipti, qoqan-loqy kórsetetinder bar. Árıne, aýyl, aýdan nemese qala turǵyndary bolsyn, barlyǵy jaıly ómir súrgisi keledi. Azamattarǵa barynsha qolaıly jaǵdaı jasaý – ákimge de, jergilikti máslıhattarǵa da ortaq mindet», – dedi prezıdent.