ساياسي ارەنادان الىستاعان دانيال احمەتوۆ پاريجدە كوزگە ءتۇستى

فوتو:

شىعىس قازاقستان وبلىسىنىڭ بۇرىنعى اكىمى دانيال احمەتوۆ پاريجدە ءجۇرىپ, قازاقستاندىق سپورتشىلارعا قولداۋ كورسەتىپ جۇرگەنى بەلگىلى بولدى. ونىڭ سۋرەتى قازاقستان جەڭىل اتلەتيكا فەدەراتسياسىنىڭ پاراقشاسىندا جاريالاندى, – دەپ حابارلايدى qandastar.kz

«فەدەراتسيا پرەزيدەنتى سپورتشىلار مەن جاتتىقتىرۋشىلارعا قولداۋ كورسەتۋ ماقساتىندا جەڭىل اتلەتيكا كومانداسىمەن كەزدەسۋ وتكىزدى. پرەزيدەنت كوماندانىڭ ءاربىر مۇشەسىنىڭ ماڭىزىنا توقتالىپ, فەدەراتسيا الداعى ۋاقىتتا دايىندىق پەن ونەر كورسەتۋ ءۇشىن قاجەتتى جاعدايدى قامتاماسىز ەتۋ ءۇشىن قولدان كەلگەننىڭ ءبارىن جاساۋعا دايىن ەكەنىن اتاپ ءوتتى», – دەلىنگەن حابارلامادا.

ايتا كەتەيىك, قازاقستاندىق جەڭىل اتلەتتەر ازىرگە بىردە-ءبىر مەدالعا قول جەتكىزە الماعان. تەك نورا جەرۋتو عانا پاريج وليمپياداسىنىڭ فينالىنا جولداما الدى.

دانيال احمەتوۆ – 2018 جىلدان بەرى فەدەراتسيا پرەزيدەنتى. ول وتكەن جازدا شىعىس قازاقستان وبلىسىنىڭ اكىمى قىزمەتىنەن كەتكەننەن بەرى ساياسي ارەنادان كورىنگەن جوق.

ەستەرىڭىزگە سالا كەتەيىك, مەملەكەت باسشىسىنىڭ جارلىعىمەن بۇعان دەيىن دانيال احمەتوۆ شىعىس قازاقستان وبلىسىنىڭ اكىمى قىزمەتىنەن بوساتىلدى. ول وبلىستى 2014 جىلدىڭ قاراشاسىنان بەرى باسقارىپ كەلەدى. بۇعان دەيىن Ulysmedia.kz سايتىنا بەرگەن ەكسكليۋزيۆتى سۇحباتىندا احمەتوۆ اكىم بولىپ تاعى بەس جىل قاجەت ەكەنىن ايتقان بولاتىن.

م.سنادين