سەيىلبەك نۇرىمبەتوۆ سۋ رەسۋرستارى مينيسترلىگى كوميتەتىنىڭ توراعاسى بولىپ تاعايىندالدى

بۇل تۋرالى 27 جەلتوقساندا ۇكىمەتتىڭ ءباسپاسوز قىزمەتى حابارلادى.

1983 جىلى قىزىلوردا وبلىسىندا دۇنيەگە كەلگەن. قورقىت اتا اتىنداعى قىزىلوردا مەملەكەتتىك ۋنيۆەرسيتەتىن, قازتۇتىنۋوداعى قاراعاندى ەكونوميكالىق ۋنيۆەرسيتەتىن, ك. تيميريازەۆ اتىنداعى ماسكەۋ اۋىلشارۋاشىلىق اكادەمياسى – رەسەي مەملەكەتتىك اگرارلىق ۋنيۆەرسيتەتىن بىتىرگەن.

ەڭبەك جولىن 2006 جىلى قىزىلوردا وبلىسى اۋىل شارۋاشىلىعى دەپارتامەنتىنىڭ جەتەكشى مامانىنىڭ مىندەتىن اتقارۋشى بولىپ باستاعان.

2010-2011 جىلدارى — «قىزىلوردا سۋ شارۋاشىلىعى» كمم ينجەنەرى.

2011-2020 جىلدارى — قىزىلوردا وبلىسى اۋىل شارۋاشىلىعى باسقارماسىنىڭ جەتەكشى مامانى, باس مامانى, ءبولىم باسشىسى, باسقارما باسشىسىنىڭ ورىنباسارى, باسشىسى.

2020-2023 جىلدارى — سۋ رەسۋرستارىن پايدالانۋدى رەتتەۋ جانە قورعاۋ جونىندەگى ارال-سىرداريا باسسەيندىك ينسپەكتسياسىنىڭ باسشىسى.

2023 جىلى — قر ەكولوگيا جانە تابيعي رەسۋرستار مينيسترلىگى سۋ رەسۋرستارى كوميتەتى توراعاسىنىڭ ورىنباسارى.

2023 جىلعى جەلتوقساننان باستاپ قازىرگى ۋاقىتقا دەيىن — قر سۋ رەسۋرستارى جانە يرريگاتسيا مينيسترلىگى سۋ شارۋاشىلىعى كوميتەتىنىڭ جوبا جەتەكشىسى.

ايتا كەتسەك, 26 جەلتوقساندا ونەركاسىپ جانە قۇرىلىس مينيسترلىگى اپپاراتىنىڭ باسشىسى تاعايىندالعانى حابارلانعان.