«سەكەڭدەمەي بالالارىڭدى جەتىستىرىپ ال»: انشىلىككە بەت بۇرعان نۇرسۇلتان جاقسىگەن سىنعا قالدى

تانىمال بلوگەر, ازىلكەش نۇرسۇلتان جاقسىگەن انشىلىككە بەت بۇردى, دەپ حابارلايدى Qandastar.kz.

بۇل تۋرالى ول ءوزىنىڭ Instagram پاراقشاسىندا ءبولىستى. نۇرسۇلتان العاشقى قادامىن «تاڭعى ەلەس» اتتى انگە كاۆەر جازۋدان باستاعان. سوڭعى كەزدەرى تويعا شىعىپ, ءان ايتىپ جۇرگەنىن دە ايتتى. ازىلكەش ءتىپتى بۇل ءۇشىن ءوزىنىڭ ءيميدجىن وزگەرتكەن.

نۇرسۇلتان جاقسىگەن بيىل ءوزى ءۇشىن وتە ءساتتى جىل بولىپ جاتقانىن دا حابارلادى.

ء«السىز ادامدار ساتىلىكتى كۇتەدى, ال مىقتىلار ولاردى وزدەرى جاسايدى. بۇل جىل ساتتىلىككە تولى بولدى اللاعا شۇكىر! ادام جاس كەلگەن سايىن قارتاياتىن ەدى, ال مەن جاسارىپ بارا جاتقاندايمىن. ايتپەسە, 35-كە كەتىپ بارا جاتقانىمدى ەشكىمگە ايتپاڭىزدار», — دەپ جازدى ول.

ال وقىرماندارعا ونىڭ بۇل ارەكەتى جاقپاي قالىپ, ءتۇرلى سىني پىكىرلەرىن جاۋدىردى.

«سەن ءان ايتپاي-اق قويشى», «ازىلكەش بولىپ جۇرە بەرەسىڭ-اۋ, تۇك داۋىسىڭ جوق», «بالالارىڭدى جەتىستىرىپ الساي, سەكەڭدەي بەرمەي», — دەپ جازدى.