«Sekeńdemeı balalaryńdy jetistirip al»: Ánshilikke bet burǵan Nursultan Jaqsygen synǵa qaldy

Tanymal bloger, ázilkesh Nursultan Jaqsygen ánshilikke bet burdy, dep habarlaıdy Qandastar.kz.

Bul týraly ol óziniń Instagram paraqshasynda bólisti. Nursultan alǵashqy qadamyn «Tańǵy eles» atty ánge kaver jazýdan bastaǵan. Sońǵy kezderi toıǵa shyǵyp, án aıtyp júrgenin de aıtty. Ázilkesh tipti bul úshin óziniń ımıdjin ózgertken.

Nursultan Jaqsygen bıyl ózi úshin óte sátti jyl bolyp jatqanyn da habarlady.

«Álsiz adamdar sátilikti kútedi, al myqtylar olardy ózderi jasaıdy. Bul jyl sáttilikke toly boldy Allaǵa shúkir! Adam jas kelgen saıyn qartaıatyn edi, al men jasaryp bara jatqandaımyn. Áıtpese, 35-ke ketip bara jatqanymdy eshkimge aıtpańyzdar», — dep jazdy ol.

Al oqyrmandarǵa onyń bul áreketi jaqpaı qalyp, túrli synı pikirlerin jaýdyrdy.

«Sen án aıtpaı-aq qoıshy», «Ázilkesh bolyp júre beresiń-aý, túk daýysyń joq», «Balalaryńdy jetistirip alsaı, sekeńdeı bermeı», — dep jazdy.