الەم جاڭالىقتارى
سەكسۋالدى قۇلدىق بويىنشا ايىپتالعان P.Diddy-گە بالالارعا ارنالعان جاقپامايدىڭ نە ءۇشىن كەرەك بولعانى ايتىلدى
فوتو: Getty Images
الەمگە P.Diddy لاقاپ اتىمەن تانىمال اتىشۋلى امەريكالىق رەپەر شون كومبستىڭ ۇيىنەن تابىلعان 1000 بوتەلكە بالالارعا ارنالعان جاقپامايدى نە ءۇشىن قولدانعانى بەلگىلى بولدى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.
14 قازان كۇنى اتى-ءجونى بەلگىسىز ەر ادام مەن تاعى بەس تالاپكەر P.Diddy-ءدىڭ ۇستىنەنەن شاعىم ءتۇسىردى. ارىزدا پروديۋسەر شون كومبستىڭ جاقپامايعا ەسىرتكى ارالاستىرعانى ايتىلعان. كەيىن ونى بالالاردى زورلاۋ ءۇشىن قولدانعان.
تالاپكەردىڭ ايتۋىنشا, اتىشۋلى پروديۋسەر شون كومبس سەداتيۆتى اسەرى بار اۋىر ۇيقىسىزدىقتى ەمدەۋ ءۇشىن قولدانىلاتىن فليۋنيترازەپامدى “قاتتى ۇناتاتىن”. P.Diddy “White party”-دە سول قوسپانى جاسىرىن تۇردە الكوگولدى سۋسىندارعا ارالاستىرىپ, قوناقتارعا ۇسىنعان.
شون كومبس ۇيىنەن تابىلعان 1000-نان استام بوتەلكە بالالارعا ارنالعان مايدى وز قۇرباندارىن زورلاعاندا قولداندى دەگەن بولجام بار. سونداي-اق شاعىمدا شون كومبس كلۋبتىق ەسىرتكى GHB قوسىلعان بالالارعا ارنالعان مايدى قۇرباندارىنىڭ ۇستىنە قۇيعانى تۋرالى ايتىلعان. وسىلايشا, GHB (كەزدەسۋ كەزىندە زورلاۋ ءۇشىن پايدالاناتىن ەسىرتكى) تەرى ارقىلى ءسىڭىپ, قۇرباندارى ۇيقىعا كەتەدى. ال بۇل جاعداي پروديۋسەرگە قۇرباندارىن ەش كەدەرگىسىز جانە قارسىلىقسىز زورلاۋعا مۇمكىندىك بەرگەن.
كۇدىكتىنىڭ ۇستىنەن تالاپ-ارىز تۇسىرگەن ەر ادام P.Diddy ۇيىمداستىرۋىمەن حەمپتوندا وتكەن “White party”-دە 1998 جىلى 16 جاسىندا قاتىسقان.
ارىز بەرۋشىنىڭ ايتۋىنشا, ول كەشكە كىرگەندە ول مۋزىكا مەن ويىن-ساۋىق يندۋسترياسىن قالىپتاستىراتىن كوپتەگەن اتاقتى ادامدار مەن تانىمال جۇلدىزداردى كورگەن. تالاپكەر ۇلكەن ەكراننان تۇرلەرىن كورگەن ادامداردى بىردەن تانىدى. ءتىپتى ول دارەتحاناعا بارا جاتقان جولدا P.Diddy-ءدىڭ ءوزىن كورگەن.
“شون كومبس جاسوسپىرىمگە قىزىعۋشىلىق تانىتىپ, وىنمەن سويلەسكىسى كەلگەن. ءسويتىپ كەشكە ارنايى اكەلىنگەن دارەتحانالاردىڭ جانىنداعى وڭاشا جەرگە بارعان. ءجاسوسپىرىم پروديۋسەرگە ءوزىنىڭ اتاقتى جۇلدىز بولۋدى ارماندايتىنى تۋرالى ايتا باستاعاندا كومبس كەنەت وعان شالبارىن شەشۋدى بۇيىرعان. ءسويتىپ ول ءجاسوسپىرىمنىڭ جىنىس مۇشەسىن ۇزاق ۋاقىت ۇستاپ تۇرعان”, – دەلىنگەن قۇجاتتا.
ايتا كەتەيىك, بۇعان دەيىن 17 قىركۇيەكتە رەپەر ءارى پروديۋسەر Puff Daddy (P.Diddy دەگەن اتپەن بەلگىلى) رەكەت, سەكسۋالدى قۇلدىق پەن ساۋدا جانە جەڭگەتايلىق ءۇشىن قاماۋعا الىنىپ, گولليۆۋدتا ۇلكەن شۋ شىققان ەدى. رەپەردىڭ ۇيىمداستىرعان كەشتەرىندە تانىمال پوپ-جۇلدىزداردىڭ بولعانى دا بەلگىلى, جەلىدە فوتولار پايدا بولعان.
