Seksýaldy quldyq boıynsha aıyptalǵan P.Diddy-ge balalarǵa arnalǵan jaqpamaıdyń ne úshin kerek bolǵany aıtyldy

Foto: Getty Images

Álemge P.Diddy laqap atymen tanymal atyshýly amerıkalyq reper Shon Kombstyń úıinen tabylǵan 1000 bótelke balalarǵa arnalǵan jaqpamaıdy ne úshin qoldanǵany belgili boldy. Bul týraly qandastar.kz  Stan.kz aqparat agenttigine silteme jasap habarlaıdy.

14 qazan kúni aty-jóni belgisiz er adam men taǵy bes talapker P.Diddy-diń ústinenen shaǵym túsirdi. Aryzda prodıýser Shon Kombstyń jaqpamaıǵa esirtki aralastyrǵany aıtylǵan. Keıin ony balalardy zorlaý úshin qoldanǵan.

Talapkerdiń aıtýynsha, atyshýly prodıýser Shon Kombs sedatıvti áseri bar aýyr uıqysyzdyqty emdeý úshin qoldanylatyn flıýnıtrazepamdy “qatty unatatyn”. P.Diddy “White party”-de sol qospany jasyryn túrde alkogoldi sýsyndarǵa aralastyryp, qonaqtarǵa usynǵan.

Shon Kombs úıinen tabylǵan 1000-nan astam bótelke balalarǵa arnalǵan maıdy óz qurbandaryn zorlaǵanda qoldandy degen boljam bar. Sondaı-aq shaǵymda Shon Kombs klýbtyq esirtki GHB qosylǵan balalarǵa arnalǵan maıdy qurbandarynyń ústine  quıǵany týraly aıtylǵan. Osylaısha, GHB (kezdesý kezinde zorlaý úshin paıdalanatyn esirtki) teri arqyly sińip, qurbandary uıqyǵa ketedi. Al bul jaǵdaı prodıýserge qurbandaryn esh kedergisiz jáne qarsylyqsyz zorlaýǵa múmkindik bergen.

Kúdiktiniń ústinen talap-aryz túsirgen er adam P.Diddy uıymdastyrýymen Hemptonda ótken “White party”-de 1998 jyly 16 jasynda qatysqan.

Aryz berýshiniń aıtýynsha, ol keshke kirgende ol mýzyka men oıyn-saýyq ındýstrııasyn qalyptastyratyn kóptegen ataqty adamdar men tanymal juldyzdardy kórgen. Talapker úlken ekrannan túrlerin kórgen adamdardy birden tanydy. Tipti ol dárethanaǵa bara jatqan jolda P.Diddy-diń ózin kórgen.

“Shon Kombs jasóspirimge qyzyǵýshylyq tanytyp, oynmen sóıleskisi kelgen. Sóıtip keshke arnaıy ákelingen dárethanalardyń janyndaǵy ońasha jerge barǵan. Jasóspirim prodıýserge óziniń ataqty juldyz bolýdy armandaıtyny týraly aıta bastaǵanda Kombs kenet oǵan shalbaryn sheshýdi buıyrǵan. Sóıtip ol jasóspirimniń jynys múshesin uzaq ýaqyt ustap turǵan”, – delingen qujatta.

Aıta keteıik, buǵan deıin 17 qyrkúıekte reper ári prodıýser Puff Daddy (P.Diddy degen atpen belgili) reket, seksýaldy quldyq pen saýda jáne jeńgetaılyq úshin qamaýǵa alynyp, Gollıvýdta úlken shý shyqqan edi. Reperdiń uıymdastyrǵan keshterinde tanymal pop-juldyzdardyń bolǵany da belgili, jelide fotolar paıda bolǵan.