ءبىلىم
سەمەي: مۇعالىمنىڭ جاعدايىنان سوڭ ءبىلىم ءبولىمىنىڭ باسشىسى قىزمەتتەن كەتتى
فوتو: اشىق دەرەككوز
اباي وبلىسىنىڭ ءبىلىم باسقارماسى سەمەيدەگى جاڭا جىلدىق شىرشانى بەزەندىرۋگە مۇعالىمدەردى تارتۋ فاكتىسى بويىنشا قىزمەتتىك تەكسەرۋ جۇرگىزدى. ناتيجەسىندە سەمەي قالاسىنىڭ ءبىلىم ءبولىمىنىڭ باسشىسى ءوز لاۋازىمىنان بوساتىلدى, دەپ جازدى qandastar.kz
«تارتىپتىك جاۋاپكەرشىلىككە مەكتەپ ديرەكتورلارى تارتىلدى. سەمەي قالاسىنىڭ ءبىلىم ءبولىمىنىڭ باسشىسى ءوز لاۋازىمىنان بوساتىلدى» دەلىنگەن مالىمەتتە.
بۇعان دەيىن جاۋاپتى ۆەدومستۆونىڭ ءمينيسترى عاني بەيسەمباەۆ وقيعاعا قاتىستى مىناداي پىكىر بىلدىرگەن ەدى.
“پەداگوگتەردى كاسىبي مىندەتتەرىنە جاتپايتىن مۇنداي جۇمىستارعا تارتۋ – «پەداگوگ مارتەبەسى تۋرالى» زاڭدى ورەسكەل بۇزۋ دەپ سانايمىن. بۇل وقيعاعا بايلانىستى وبلىس باسشىلىعى ءادىل ءارى جان-جاقتى تەكسەرۋ جۇرگىزىپ, الداعى ۋاقىتتا مۇنداي كەلەڭسىزدىكتەردىڭ قايتالانۋىنا جول بەرمەۋ ءۇشىن ءتيىستى شارالار قابىلدايدى دەپ ۇمىتتەنەمىن», – دەدى مينيستر.
