Semeıde 32 jastaǵy muǵalim 8-synyp oqýshysyn zorlady degen kúdikke ilind

Foto: ashyq derekkóz

Semeıde muǵalim 8-synyp oqýshysyn zorlady degen kúdikke ilindi, dep qandastar.kz aqparat portaly 31 arnaǵa silteme jasap habarlaıdy.

Sonymen, qazir oqýshysyn zorlady degen kúdikpen alǵashqy áskerı daıyndyq pániniń tálimgeri qamaýǵa alynyp, oǵan tergeý júrgizilip jatyr. Oqıǵanyń mán-jaıy ázirge belgisiz.

Bilim bóliminiń málimetinshe, 32 jastaǵy muǵalimniń onda jumys istep júrgenine eki jyl bolǵan. Áriptesteri onyń tek jaqsy qyrynan kóringenin aıtady. Al jábirlenýshi qyz 8-synypta oqıdy. «Ol qazir sabaqqa kelip júr» deıdi mamandar.

«Ol muǵalim 2016 jyly Shákárim atyndaǵy Semeı memlekettik ýnıversıtetin bitirgen. Atalǵan jaǵdaı boıynsha qazir quzyrly organdar tıisti tergeý jumystaryn júrgizip jatyr. Endi sol jumystardyń nátıjesi oıynsha qosymsha aqparat beriledi. Qazir kúdikti ýaqytsha ustaý ızolıatorynda», – dedi Semeı qalasy bilim bóliminiń basshysy Birjan Bulabaev.