سەمەيدە قايعىلى جاعداي: اۋىر جۇك كولىگى جاس قىزدى قاعىپ ءولتىردى

سەمەي قالاسىندا اسا قايعىلى جول-كولىك وقيعاسى تىركەلدى. موروزوۆ كوشەسىندە 45 جاستاعى ەر ادام تىزگىندەگەن زيل ممز 4502 ماركالى اسسەنيزاتور كولىگى جاياۋ جۇرگىنشىلەر وتكەلىنەن ءوتىپ بارا جاتقان 35 جاستاعى ايەلدى قاعىپ كەتتى, دەپ حابارلايدى Qandastar.kz اقپارات پورتالى.

وقيعا 25 ماۋسىم كۇنى كەشكى ۋاقىتتا بولعان. كۋاگەرلەردىڭ ايتۋىنشا, كولىك شەۆچەنكو كوشەسىنە قاراي باعىت العان. الايدا جۇرگىزۋشى جاياۋ جۇرگىنشىلەرگە جول بەرمەي, سالدارىنان ايەل اۋىر جاراقات الىپ, جەدەل جاردەم كەلگەنگە دەيىن كوز جۇمعان.

بۇل دەرەكتى شقو پوليتسيا دەپارتامەنتى راستادى. ۆەدومستۆونىڭ مالىمەتىنشە, قازىرگى تاڭدا اتالعان فاكتى بويىنشا قر قىلمىستىق كودەكسىنىڭ 345-بابى, 3-بولىگى — «كولىك قۇرالىن باسقاراتىن ادامنىڭ جول ءجۇرىسى نەمەسە كولىك قۇرالدارىن پايدالانۋ قاعيدالارىن بۇزۋى, ابايسىزدا ادام ولىمىنە اكەپ سوققان ءىس-ارەكەت» بويىنشا سوتقا دەيىنگى تەرگەۋ امالدارى باستالعان.

قازىر بىرقاتار سوت ساراپتامالارى تاعايىندالدى. ناتيجەسىندە پروتسەسسۋالدىق شەشىم قابىلداناتىن بولادى.

ايتا كەتەيىك, بۇل وقيعانىڭ ۆيدەوسى الەۋمەتتىك جەلىلەردە تاراپ ۇلگەردى. جەلى قولدانۋشىلارى جول قاۋىپسىزدىگىنە جاۋاپتى ورگانداردان ناقتى شارالار قابىلداۋدى تالاپ ەتۋدە.