Semeıde qaıǵyly jaǵdaı: Aýyr júk kóligi jas qyzdy qaǵyp óltirdi

Semeı qalasynda asa qaıǵyly jol-kólik oqıǵasy tirkeldi. Morozov kóshesinde 45 jastaǵy er adam tizgindegen ZIL MMZ 4502 markaly assenızator kóligi jaıaý júrginshiler ótkelinen ótip bara jatqan 35 jastaǵy áıeldi qaǵyp ketti, dep habarlaıdy Qandastar.kz aqparat portaly.

Oqıǵa 25 maýsym kúni keshki ýaqytta bolǵan. Kýágerlerdiń aıtýynsha, kólik Shevchenko kóshesine qaraı baǵyt alǵan. Alaıda júrgizýshi jaıaý júrginshilerge jol bermeı, saldarynan áıel aýyr jaraqat alyp, jedel járdem kelgenge deıin kóz jumǵan.

Bul derekti ShQO Polıııa departamenti rastady. Vedomstvonyń málimetinshe, qazirgi tańda atalǵan fakti boıynsha QR Qylmystyq kodeksiniń 345-baby, 3-bóligi — «Kólik quralyn basqaratyn adamnyń jol júrisi nemese kólik quraldaryn paıdalaný qaǵıdalaryn buzýy, abaısyzda adam ólimine ákep soqqan is-áreket» boıynsha sotqa deıingi tergeý amaldary bastalǵan.

Qazir birqatar sot saraptamalary taǵaıyndaldy. Nátıjesinde proessýaldyq sheshim qabyldanatyn bolady.

Aıta keteıik, bul oqıǵanyń vıdeosy áleýmettik jelilerde tarap úlgerdi. Jeli qoldanýshylary jol qaýipsizdigine jaýapty organdardan naqty sharalar qabyldaýdy talap etýde.