سەمەيدە وقۋشى قىزدى قاتارلاستارى سوققىعا جىققان

فوتو: ۆيدەودان سكرين

سەمەيدە وقۋشى قىزداردىڭ توبەلەسىنە قاتىستى تەكسەرىس باستالدى, دەپ حابارلايدى qandastar.kz.

قالاداعى بازار ماڭىندا جينالىپ, توبەلەسكەن جاسوسپىرىمدەردىڭ اتا-انالارى جاۋاپكەرشىلىككە تارتىلۋى مۇمكىن. قازىر پوليتسيا وقيعانىڭ ءمان-جايىن انىقتاپ جاتىر.

كوپشىلىكتىڭ جاعاسىن ۇستاتقان ۆيدەو الەۋمەتتىك جەلىدە تارالدى. 7-8 سىنىپتىڭ قىزدارى توپ بولىپ جينالىپ, قاتارلاستارىن كۇشپەن يتەرىپ جىبەرەدى. سوسىن جەرگە وڭباي قۇلاعان قىزدى مازاق قىلادى. ارى قاراي ەكى وقۋشى سىرت كيىمدەرىن شەشىپ, توبەلەسىپ جاتقانىن كورۋگە بولادى. قالعان قىزدار ۆيدەوعا ءتۇسىرىپ, جانجالدى تاماشالاپ تۇر.

قالالىق ءبىلىم ءبولىمىنىڭ باسشىلىعى قىزلار اراسىنداعى توبەلەس ساباقتان تىس ۋاقىتتتا بولعانىن ايتادى. وعان قاتىسقان وقۋشىلار انىقتالىپ, اتا-انالارىمەن بىرگە پوليتسياعا بولىمشەسىنە جەتكىزىلگەن.

“سەمەي قالاسىنىڭ «جانسايا» بازارى ماڭىندا ەكى مەكتەپتىڭ 7-8 سىنىپ قىزدارى اراسىندا ورىن العان جانجال تۋرالى اقپارات الەۋمەتتىك جەلىدە شىقتى. بۇل وقيعا ساباقتان تىس ۋاقىتتا ورىن الدى. قازىرگى تاڭدا تەرگەۋ امالدارى جۇرگىزىلۋدە. قاتىسۋشىلار مەن ولاردىڭ زاڭدى وكىلەرى, سوداي-اق ءبىلىم بەرى مەكەمەلەرىنىڭ وكىلدەرى ءتيىستى قۇقىق قورعاۋ ورگاندارىنا تۇسىنىكتەمە بەردى. ۆيدەونى الەۋمەتتىك جەلىدە جاريالاعان وقۋشىنىڭ زاڭدى وكىلدەرىنە قر قولدانىستاعى زاڭناماسىنا سايكەس ايىپپۇل سالدى”, – دەيدى سەمەي قالاسى ءبىلىم ءبولىمىنىڭ مىندەتىن اتقارۋشىسى ماكيا ءامىرحانوۆا.