Semeıde oqýshy qyzdy qatarlastary soqqyǵa jyqqan

Foto: vıdeodan skrın

Semeıde oqýshy qyzdardyń tóbelesine qatysty tekseris bastaldy, dep habarlaıdy qandastar.kz.

Qaladaǵy bazar mańynda jınalyp, tóbelesken jasóspirimderdiń ata-analary jaýapkershilikke tartylýy múmkin. Qazir polıııa oqıǵanyń mán-jaıyn anyqtap jatyr.

Kópshiliktiń jaǵasyn ustatqan vıdeo áleýmettik jelide taraldy. 7-8 synyptyń qyzdary top bolyp jınalyp, qatarlastaryn kúshpen ıterip jiberedi. Sosyn jerge ońbaı qulaǵan qyzdy mazaq qylady. Ary qaraı eki oqýshy syrt kıimderin sheship, tóbelesip jatqanyn kórýge bolady. Qalǵan qyzdar vıdeoǵa túsirip, janjaldy tamashalap tur.

Qalalyq bilim bóliminiń basshylyǵy qyzlar arasyndaǵy tóbeles sabaqtan tys ýaqyttta bolǵanyn aıtady. Oǵan qatysqan oqýshylar anyqtalyp, ata-analarymen birge polıııaǵa bólimshesine jetkizilgen.

“Semeı qalasynyń «Jansaıa» bazary mańynda eki mekteptiń 7-8 synyp qyzdary arasynda oryn alǵan janjal týraly aqparat áleýmettik jelide shyqty. Bul oqıǵa sabaqtan tys ýaqytta oryn aldy. Qazirgi tańda tergeý amaldary júrgizilýde. Qatysýshylar men olardyń zańdy ókileri, sodaı-aq bilim beri mekemeleriniń ókilderi tıisti quqyq qorǵaý organdaryna túsinikteme berdi. Vıdeony áleýmettik jelide jarııalaǵan oqýshynyń zańdy ókilderine QR qoldanystaǵy zańnamasyna sáıkes aıyppul saldy”, – deıdi Semeı qalasy bilim bóliminiń mindetin atqarýshysy Makııa Ámirhanova.