Semeıde oqýshy qyzdy zorlaǵan muǵalim ómir boıyna bas bostandyǵynan aıyryldy

Foto: Ru.freepik.com

Abaı oblysynda oqýshy qyzdy zorlaǵan muǵalimge qatysty sot sheshimi shyqty, dep jazdy qandastar.kz

Bul týraly Stan.kz aqparat agenttigi habarlaıdy.

Kámeletke tolmaǵan qyzdy zorlaý faktisi boıynsha qylmystyq is qylmystyq ister jónindegi mamandandyrylǵan aýdanaralyq sotta qaraldy. Sot proesi jabyq rejımde ótti.

2024 jyldyń qarasha aıynda Semeı qalasynyń polıııasy mektep oqýshysynyń anasynyń aryzy boıynsha tergeý bastady. Kámeletke tolmaǵanǵa qatysty seksýaldyq sıpattaǵy zańsyz áreketter faktisi boıynsha sotqa deıingi tergep-tekserý júrgizildi. 32 jastaǵy Semeı turǵyny kúdikti retinde ustaldy. Bilim bóliminiń málimetinshe, ol 2022 jyldan beri qalalyq mektepterdiń birinde bastapqy áskerı daıyndyq pániniń muǵalimi bolyp jumys istegen.

Qylmys 2024 jyldyń shilde aıynda bolǵan. Ol kezde aıyptalýshy 32 jasta, al jábirlenýshi 14 jasqa tolmaǵan edi. Tergeý nusqasyna sáıkes, kúdikti oqýshyny kólikte zorlaǵan.

Qylmystyq is qylmystyq kodekstiń 120-baby 4-bóligi (Kámelet jasqa jetpegen, 14 jasqa tolmaǵandy zorlaý) boıynsha deregimen qaraldy.

Prokýror aıyptalýshyǵa ómir boıyna bas bostandyǵynan aıyrý jazasyn taǵaıyndaýdy surady. Onyń bul talabyn jábirlenýshiniń zańdy ókili men advokaty da qoldady. Al aıyptalýshy men onyń qorǵaýshysy sottalýshyny aqtaýdy talap etti.

“Sot isti jan-jaqty zerttep, aıyptalýshynyń qylmys jasaǵany is materıaldarymen tolyq dáleldendi”, – dep málimdedi Sot tóraǵasy Nııaz Hasenbaev.

Sot úkimi boıynsha muǵalim kináli dep tanylyp, oǵan ómir boıyna bas bostandyǵynan aıyrý jazasy taǵaıyndaldy. Sonymen qatar sot ony pedagogıkalyq qyzmetpen jáne kámeletke tolmaǵandarmen jumys isteýge baılanysty kez kelgen laýazymdy ómir boıyna atqarý quqyǵynan aıyrdy.

Sottalýshy jazasyn tótenshe qaýipsiz mekemede óteıdi. Úkim zańdy kúshine engen joq.

“Azamattyq kodekske sáıkes, 14 jasqa deıingi tulǵalar jasóspirim bolyp esepteledi. Kelisimge qaramastan, eger aıyptalýshy jábirlenýshiniń 14 jasqa tolmaǵanyn bilgen bolsa, jaýapkershilik tolyq kólemde qarastyrylady. Mundaı ister boıynsha ómir boıyna bas bostandyǵynan aıyrý jazasy qarastyrylǵan, – dep atap ótti Nııaz Hasenbaev.

Sotta 14 jasqa tolmaǵan adamdy zorlaǵany úshin zań boıynsha tek ómir boıyna bas bostandyǵynan aıyrý jazasy kózdelgeni aıtyldy. Mundaı jaza aıyptalýshy men jábirlenýshi arasyndaǵy qarym-qatynas sıpatyna qaramastan taǵaıyndalady.