ءبىلىم
سەمەيدە وقۋشىنى سوققىعا جىققان بالالاردىڭ اتا-انالارى جاۋاپكەرشىلىككە تارتىلدى
فوتو: اشىق دەرەككوز
جەلىدە قاتارلاسىن سوققىعا جىققان وقۋشىلاردىڭ ۆيدەوسى تاراعان ەدى. اباي وبلىستىق پوليتسيا دەپارتامەنتى اتالعان فاكت بويىنشا قىلمىستىق ءىس قوزعاعانىن مالىمدەدى, دەپ جازدى qandastar.kz
“قاقتىعىسقا قاتىسۋشىلار انىقتالىپ, اتا-انالارىمەن بىرگە پوليتسيا بولىمىنە جەتكىزىلدى. جاسوسپىرىمدەر پوليتسيا ءبولىمىنىڭ ەسەبىنە قويىلادى. ولاردىڭ ءتارتىبىن كامەلەتكە تولماعانداردىڭ قۇقىقتارىن قورعاۋ جونىندەگى وبلىستىق كوميسسيا قارايدى. تەرگەۋ بارىسى اباي وبلىسى پوليتسيا دەپارتامەنتى باسشىلىعىنىڭ ەرەكشە باقىلاۋىندا. اتا-انالار بالالارىنىڭ تاربيەسى بويىنشا مىندەتتەرىن تيىسىنشە ورىنداماعانى ءۇشىن جاۋاپكەرشىلىككە تارتىلادى”, – دەپ مالىمدەدى اباي وبلىستىق پد.
Stan.kz اقپارات اگەنتتىگى حابارلاعانداي, وقۋ ورنىنىڭ اكىمشىلىگىنە وقيعانىڭ ورىن الۋىنا ىقپال ەتكەن سەبەپتەر مەن جاعدايلاردى جويۋ تۋرالى ۇسىنىس ەنگىزدىك دەيدى. ال جابىرلەنۋشىگە ارنايى ورتالىقتا ماماندار كومەك بەرەدى.
“پسيحولوگتار مەن بالا قۇقىقتارى جونىندەگى ۋاكىل وعان قاجەتتى قولداۋ كورسەتىپ, وقيعادان كەيىنگى ەموتسيالىق اسەرلەردى جەڭۋگە كومەكتەسىپ جاتىر. بىلىكتى ماماندار ءجاسوسپىرىمنىڭ پسيحولوگيالىق جاعدايىن قالپىنا كەلتىرۋ ءۇشىن جۇمىس جۇرگىزىپ جاتىر”, – دەلىنگەن حابارلامادا.
وقيعاعا قاتىسى بار جاسوسپىرىمدەرگە قاتىستى ءتيىستى شارالار قابىلدانباق. كامەلەتكە تولماعانداردىڭ قۇقىقتارىن قورعاۋ جونىندەگى وبلىستىق كوميسسيانىڭ وتىرىسى ءوتىپ, وندا ءاربىر قاتىسۋشىنىڭ ارەكەتى جەكە قارالادى ەكەن.
ەسكە سالساق, سەمەيدە بىر توپ وقۋشى قاتارلاستارىن اياۋسىز ۇرىپ-سوققان ەدى.
