Semeıde oqýshyny soqqyǵa jyqqan balalardyń ata-analary jaýapkershilikke tartyldy

Foto: ashyq derekkóz

Jelide qatarlasyn soqqyǵa jyqqan oqýshylardyń vıdeosy taraǵan edi. Abaı oblystyq polıııa departamenti atalǵan fakt boıynsha qylmystyq is qozǵaǵanyn málimdedi, dep jazdy qandastar.kz

“Qaqtyǵysqa qatysýshylar anyqtalyp, ata-analarymen birge polıııa bólimine jetkizildi. Jasóspirimder polıııa bóliminiń esebine qoıylady. Olardyń tártibin kámeletke tolmaǵandardyń quqyqtaryn qorǵaý jónindegi oblystyq komıssııa qaraıdy. Tergeý barysy Abaı oblysy polıııa departamenti basshylyǵynyń erekshe baqylaýynda. Ata-analar balalarynyń tárbıesi boıynsha mindetterin tıisinshe oryndamaǵany úshin jaýapkershilikke tartylady”, – dep málimdedi Abaı oblystyq PD.

 Stan.kz aqparat agenttigi habarlaǵandaı,   oqý ornynyń ákimshiligine oqıǵanyń oryn alýyna yqpal etken sebepter men jaǵdaılardy joıý týraly usynys engizdik deıdi. Al jábirlenýshige arnaıy ortalyqta mamandar kómek beredi.

“Psıhologtar men bala quqyqtary jónindegi ýákil oǵan qajetti qoldaý kórsetip, oqıǵadan keıingi emoııalyq áserlerdi jeńýge kómektesip jatyr. Bilikti mamandar jasóspirimniń psıhologııalyq jaǵdaıyn qalpyna keltirý úshin jumys júrgizip jatyr”, – delingen habarlamada.

Oqıǵaǵa qatysy bar jasóspirimderge qatysty tıisti sharalar qabyldanbaq. Kámeletke tolmaǵandardyń quqyqtaryn qorǵaý jónindegi oblystyq komıssııanyń otyrysy ótip, onda árbir qatysýshynyń áreketi jeke qaralady eken.

Eske salsaq, Semeıde bir top oqýshy qatarlastaryn aıaýsyz uryp-soqqan edi.