Semeıde shyrsha bezendirý kezinde qulap, jaraqat alǵan muǵalim aýrýhanadan shyqty

Foto: ashyq derekkóz

Semeıde shyrsha bezendirý kezinde bıikten qulap, jaraqat alǵan muǵalim aýrýhanadan shyqty, – dep habarlaıdy  qandastar.kz

Bul týraly Oqý-aǵartý mınıstri Ǵanı Beısembaev málimdedi.

«Ol muǵalim búgin tańerteń ǵana aýrýhanadan shyqty. Onyń aman-saý shyqqany týraly habar jetti. Bul is qazir ákimdik baqylaýynda. Birinshi kezektegi sharalar qabyldandy. Jaýapty adamdar jazalandy», – dedi mınıstr.

Mınıstr osy oqıǵadan soń qandaı jaýapty tulǵalar tártiptik jazaǵa tartylǵanyn da atap ótti.

– Qala ákiminiń orynbasary sógis aldy. Bilim bóliminiń basshysy «Pedagog mártebesi týraly» zańnyń oryndalýyna nemquraıly qaraǵany úshin qyzmetinen bosatyldy. Úsh dırektor tártiptik jaýapkershilikke de tartyldy. Osy baǵytta ótemaqy tóleý boıynsha jumys jalǵasýda, – dedi Beısembaev.