ءبىلىم
سەمەيدە سوققىعا جىعىلعان وقۋشىعا پاتەر بەرىلدى
فوتو:stan.kz
سەمەيدە ءبىر توپ ءجاسوسپىرىم اياۋسىز سوققىعا جىققان وقۋشىعا قازاقستاندىقتار 32 ميلليون تەڭگە جيناپ, پاتەرلى بولۋىنا كومەكتەستى. بالاعا پاتەر كىلتى تابىستالدى, دەپ حابارلايدى qandastar.kz.
ەرىكتى دينارا سادىرباەۆا Almaty.Official سايتىنا بەرگەن اقپاراتىندا قازاقستاندىقتاردىڭ الينۇرعا كومەكتەسۋ ءۇشىن رەكوردتىق دەڭگەيدە قارجى جيناعانىن جەتكىزگەن. ونىڭ ايتۋىنشا, حالىقتىڭ اۋدارعان 35 ميلليون تەڭگەسىنە جاڭا پاتەر ساتىپ الىنعان.
وسىلايشا, سەمەيدە جاسوسپىرىمدەردىڭ شابۋىلىنا ۇشىراپ, سوققىعا جىعىلعان 11 جاستاعى بالاعا قازاقستاندىقتاردىڭ اتىنان جاڭا 4 بولمەلى پاتەر بەرىلدى.
قازىرگى ۋاقىتتا بالا تولىق مەديتسينالىق تەكسەرىستەن وتكەن, پسيحولوگيالىق قولداۋدان دا كەندە ەمەس. بۇل تۋرالى وبلىستىق بالا قۇقىقتارى جونىندەگى ۋاكىل ەلزيرا ءجۇنىسوۆا مالىمدەپ وتىر.
– بالانىڭ وتباسىنا كومەكتەسۋ تۋرالى سان ءتۇرلى سۇراق ءتۇسىپ جاتىر. وتباسى قازاقستاندىقتارعا كورسەتكەن قولداۋى ءۇشىن شىن جۇرەكتەن العىس بىلدىرەدى, – دەپ جازدى ول.
بالا قۇقىقتارى جونىندەگى ۋاكىل ءۇي تاڭداۋ جانە ساتىپ الۋ پروتسەستەرىنىڭ اشىقتىعى ءۇشىن وڭىرلىك, قالالىق ءماسليحاتتار دەپۋتاتتارىنان, ادۆوكاتتار مەن قوعامدىق بىرلەستىكتەر وكىلدەرىنەن ارنايى كوميسسيا قۇرىلعانىن اتاپ ءوتتى.
