Semeıde soqqyǵa jyǵylǵan oqýshyǵa páter berildi

Foto:stan.kz

Semeıde bir top jasóspirim aıaýsyz soqqyǵa jyqqan oqýshyǵa qazaqstandyqtar 32 mıllıon teńge jınap, páterli bolýyna kómektesti. Balaǵa páter kilti tabystaldy, dep habarlaıdy qandastar.kz.

Erikti Dınara Sadyrbaeva Almaty.Official saıtyna bergen aqparatynda qazaqstandyqtardyń Álınurǵa kómektesý úshin rekordtyq deńgeıde qarjy jınaǵanyn jetkizgen. Onyń aıtýynsha, halyqtyń aýdarǵan 35 mıllıon teńgesine jańa páter satyp alynǵan.

Osylaısha, Semeıde jasóspirimderdiń shabýylyna ushyrap, soqqyǵa jyǵylǵan 11 jastaǵy balaǵa qazaqstandyqtardyń atynan jańa 4 bólmeli páter berildi.
Qazirgi ýaqytta bala tolyq medıınalyq tekseristen ótken, psıhologııalyq qoldaýdan da kende emes. Bul týraly oblystyq bala quqyqtary jónindegi ýákil Elzıra Júnisova málimdep otyr.

– Balanyń otbasyna kómektesý týraly san túrli suraq túsip jatyr. Otbasy qazaqstandyqtarǵa kórsetken qoldaýy úshin shyn júrekten alǵys bildiredi, – dep jazdy ol.

Bala quqyqtary jónindegi ýákil úı tańdaý jáne satyp alý proesteriniń ashyqtyǵy úshin óńirlik, qalalyq máslıhattar depýtattarynan, advokattar men qoǵamdyq birlestikter ókilderinen arnaıy komıssııa qurylǵanyn atap ótti.