«سەمىزدىك – ۇرپاقسىز قالۋ»: مەرۋەرت تۇسىپباەۆا ەركەكتەرگە ۇندەۋ جاسادى

فوتو: جەكە پاراقشادان الىندى

تانىمال اكتريسا مەرۋەرت تۇسىپباەۆا تولىقتاردى جەك كورەمىن دەگەن ءسوزى ءۇشىن ەركەكتەرگە ۇندەۋ جاسادى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

ونەر يەسى ءسوزى ءۇشىن ەر ادامداردان ءسوز ەستىپ جاتقانىن ايتتى.

«مەن تولىقتاردى جەك كورەمىن» دەگەن ءسوزىم ءۇشىن حەيتتىڭ استىندا قالدىم. ءتۇرلى الەۋمەتتىك جەلىگە جاريالاپ جاتىر ەكەنسىزدەر. ارنايى جازبا جاريالاپ وتىرعان ەركەكتەرگە ايتارىم بار: الدىمەن, دەنساۋلىعى ءۇشىن سەمىزدىككە ۇشىراعان جانداردان كەشىرىم سۇرايمىن. سەمىزدىك دەگەن – قاسىرەت. ەكىنشىدەن, وسەك تەرمەي سپورتپەن اينالىسىڭىزدار, قۇرمەتتى ەركەكتەر! ديۆاننان ءتۇسىپ, حالىقتىڭ جاعدايىنا كوڭىل بولىڭىزدەر! قوعامنىڭ قىزۋ تالقىسىنا ءتۇسىپ جاتقان اەس-ءتى زەرتتەڭىزدەر! مەملەكەت پەن حالىقتىڭ جاعدايىن ايتىپ, جىرتىسىن جىرتىڭدار! سوعان كوڭىل بولىڭدەر!», – دەدى مادەنيەت قايراتكەرى.

ەسكە سالايىق, ونەر يەسى ارتىق سالماعى بار ادامداردى ۇناتپايتىنىن جاسىرمادى.

«قازىر ايتسام, ماعان اشۋلاناتىن شىعار, نەگىزى تولىق ادامداردى جەك كورەمىن. بىراق ونىڭ دەنساۋلىعى جوق شىعار, سوندىقتان كەشىرىم سۇرايمىن. دەگەنمەن قالاي بولعاندا دا ايەل بولسىن, ەركەك بولسىن ءوز سالماعىنا قاراۋ كەرەك. تۇسىنەمىن, 50-دەن اسقان سوڭ بارلىق ايەلدە فيزيولوگيالىق وزگەرىس بولادى, سول كەزدە ادامنىڭ سالماعى قۇبىلىپ تۇرادى. دەنساۋلىققا دا بايلانىستى بولۋى مۇمكىن», – دەدى ءانشى.