«Semizdik – urpaqsyz qalý»: Merýert Túsipbaeva erkekterge úndeý jasady

Foto: Jeke paraqshadan alyndy

Tanymal aktrısa Merýert Túsipbaeva tolyqtardy jek kóremin degen sózi úshin erkekterge úndeý jasady. Bul týraly qandastar.kz Stan.kz aqparat agenttigine silteme jasap habarlaıdy.

О́ner ıesi sózi úshin er adamdardan sóz estip jatqanyn aıtty.

«Men tolyqtardy jek kóremin» degen sózim úshin heıttiń astynda qaldym. Túrli áleýmettik jelige jarııalap jatyr ekensizder. Arnaıy jazba jarııalap otyrǵan erkekterge aıtarym bar: Aldymen, densaýlyǵy úshin semizdikke ushyraǵan jandardan keshirim suraımyn. Semizdik degen – qasiret. Ekinshiden, ósek termeı sportpen aınalysyńyzdar, qurmetti erkekter! Dıvannan túsip, halyqtyń jaǵdaıyna kóńil bólińizder! Qoǵamnyń qyzý talqysyna túsip jatqan AES-ti zertteńizder! Memleket pen halyqtyń jaǵdaıyn aıtyp, jyrtysyn jyrtyńdar! Soǵan kóńil bólińder!», – dedi mádenıet qaıratkeri.

Eske salaıyq, óner ıesi artyq salmaǵy bar adamdardy unatpaıtynyn jasyrmady.

«Qazir aıtsam, maǵan ashýlanatyn shyǵar, negizi tolyq adamdardy jek kóremin. Biraq onyń densaýlyǵy joq shyǵar, sondyqtan keshirim suraımyn. Degenmen qalaı bolǵanda da áıel bolsyn, erkek bolsyn óz salmaǵyna qaraý kerek. Túsinemin, 50-den asqan soń barlyq áıelde fızıologııalyq ózgeris bolady, sol kezde adamnyń salmaǵy qubylyp turady. Densaýlyqqa da baılanysty bolýy múmkin», – dedi ánshi.