«Sen qazir franýzsha sóılep tursyń ba»: Qazaqstan quramasynyń bapkeri Cherchesov taǵy da qazaqsha qoıylǵan suraqqa shaǵymdandy

Foto: QFF

Fýtboldan Qazaqstan quramasynyń bapkeri Stanıslav Cherchesov Slovenııaǵa qarsy oıynnan keıingi baspasóz máslıhatynda ózine qazaq tilinde suraq qoıǵan tilshini kelemejdedi. Bul týraly qandastar.kz  Stan.kz aqparat agenttigine silteme jasap habarlaıdy.

Slovenııa men Qazaqstan quramasy arasyndaǵy matchtan keıin jýrnalısterdiń biri bas bapkerge qazaq tilinde suraq qoıǵan edi. Al bapker onyń suraǵyn kelemejdep jaýap qatty.

“Sen qazir franýz tilinde sóılep tursyń ba? “Paris, se va bien (red. Parıjde bári jaqsy). Bul suraq pa, joq basqa ma?» – dep tańǵalǵanyn jasyrmady.

Aıta keteıik, buǵan deıin de Qazaqstan quramasynyń bapkeri Cherchesov ózine qazaqsha suraq qoıylǵanyna shaǵymdanǵan edi.